BAKI, AzerVoice, Səməd Əyyubov
Avropa üçlüyü (Böyük Britaniya, Almaniya və Fransa) İranın nüvə proqramı üzrə danışıqlarının nəticəsiz qalmasından sonra avqustun 28-də Tehrana qarşı sanksiyaların bərpa olunmasına qərar verə bilər.
AzerVoice xəbər verir ki, bu barədə “Reuters” agentliyi diplomatik mənbələrə istinadən məlumat yayıb.
Məlumata görə, yaxın günlərdə Avropa üçlüyü BMT Təhlükəsizlik Şurasına yazılı şəkildə qərarını təqdim edəcək. Qəbul olunduğu halda, İranın maliyyə, bank, enerji və müdafiə sektorlarına qarşı sanksiyalar 30 gün ərzində yenidən qüvvəyə minəcək.
Xatırladaq ki, ABŞ və Avropa üçlüyü ölkələri avqustun sonunu nüvə sazişinin imzalanması üçün son tarix kimi müəyyən etmişdilər. Tehran isə xəbərdarlıq edib ki, BMT Təhlükəsizlik Şurası 2015-ci il razılaşmaları əsasında ləğv edilmiş sanksiyaları yenidən tətbiq edəcəyi təqdirdə, İran Nüvə Silahlarının Yayılmaması Müqaviləsindən çıxacaq.