BAKI,VOA, Fərid Mikayılov

İran Ordusunun Baş Qərargah rəisi düşmənin heç bir strateji məqsədinə çatmadığını bildirib.

VOA xəbər verir ki, general-mayor Əmir Hatəmi Gilan vilayətində keçirilən anım mərasimində çıxış edərkən düşmənin hərbi əməliyyatlarda uğursuzluğa uğradığını deyib.

O, hərbi məntiqə əsasən, təcavüzkarın yalnız öz məqsədlərinə çatdıqda qalib hesab olunduğunu, müdafiə müharibəsində isə düşmənə bu imkanı verməyən tərəfin qələbə qazandığını vurğulayıb.

Hataminin sözlərinə görə, düşmən İranın raket və dron gücünü sıradan çıxarmağa çalışsa da, silahlı qüvvələrin raketləri və pilotsuz uçuş aparatları son ana qədər tam intensivliklə atılıb.

O, həmçinin İranın hava hücumundan müdafiə sistemlərinin möhkəm dayandığını, düşmənin bir çox pilotsuz və pilotlu təyyarəsini, eləcə də strateji avadanlıqlarını sıradan çıxardığını diqqətə çatdırıb.

General-mayor İran Silahlı Qüvvələrinin məhv edilməsi ilə bağlı iddiaları qətiyyətlə təkzib edib.

"Düşmən İranın silahlı qüvvələrini sıradan çıxardığını iddia edir. Lakin özləri də yaxşı bilirlər ki, ordumuz hər zaman düşmənlərə karşı nüfuz, təşəbbüs, yaradıcılıq və cəsarətlə dayanıb", — deyə o əlavə edib.

Hatəmi ölkə rəhbərliyinin ətrafında xalqın nümayiş etdirdiyi birliyi yüksək qiymətləndirib və milli həmrəyliyin gəncdən-qocaya hər gün daha da möhkəmləndiyini bildirib.

O, hökumət, parlament, məhkəmə hakimiyyəti və təhlükəsizlik orqanlarının xalqa tam gücü ilə xidmət etdiyini sözlərinə əlavə edib.