BAKI, AzerVoice

AzerVoice-nin təqdim etdiyi Hüquq Bələdçisi rubrikasında Quba 1 saylı Mediasiya Təşkilatının direktoru, hüquqşünas mediator Hümmət Əliyev mediasiya prosesinin mahiyyəti, prinsipləri və vətəndaşlar üçün üstünlükləri barədə mühüm məqamlara aydınlıq gətirib.

AzerVoice saytına istinadən Hümmət Əliyevlə aparılan söhbətin növbəti hissəsini təqdim edirik:

“Mediator hakim deyil”

– Qanuna görə mediator kimdir?

Hümmət Əliyevin sözlərinə görə, mediator “Mediasiya haqqında” Azərbaycan Respublikasının Qanununa əsasən mübahisə tərəflərinə könüllü razılıq əldə etməyə kömək edən müstəqil və qərəzsiz şəxsdir.

Mediator:

• Hakim deyil
• Prokuror deyil
• Tərəflərdən birinin nümayəndəsi deyil
• Qərar vermir
• Hökm çıxarmır
• Tərəf tutmur

Onun əsas vəzifəsi tərəflərin öz qərarlarını qəbul etməsi üçün uyğun mühit formalaşdırmaqdır.

Mediatorun əsas funksiyası nədir?

Mediatorun işi mübahisəni dərinləşdirmək deyil, gərginliyi azaltmaqdır. O:

• Dialoqu bərpa edir
• Gərginliyi azaldır
• Hüquqi imkanları izah edir
• Tərəfləri eyni masa arxasında saxlayır
• Razılaşma sənədinin hazırlanmasına kömək edir
• Mediator prosesi idarə edir, lakin nəticəni tərəflər müəyyən edir.

Mediator qərar qəbul edirmi?

Xeyr. Bu, ən çox yanlış anlaşılan məsələlərdən biridir. Mediatorun tərəflərin yerinə qərar vermək səlahiyyəti yoxdur.

Əgər razılaşma əldə olunmazsa, mediator qərar çıxarmır və məsələ məhkəmə mərhələsinə keçə bilər. Mediasiyanın əsas gücü də məhz buradadır – qərarı tərəflər özləri verir.

Mediatorun məsuliyyəti

Mediatorun üzərinə həm etik, həm də hüquqi məsuliyyət düşür:

• Qərəzsiz olmaq
• Məxfilik prinsipini qorumaq
• Tərəflərə bərabər yanaşmaq
• Qanun çərçivəsində fəaliyyət göstərmək

Mediasiya prosesində deyilən məlumatların məxfi saxlanılması etimadın əsas şərtidir.

Beynəlxalq təcrübə

Beynəlxalq praktikada mediator “dialoq memarı” və “münaqişə meneceri” kimi qiymətləndirilir.

Avropa ölkələrində və ABŞ-da ailə, biznes və əmək mübahisələrinin böyük hissəsi mediasiya yolu ilə həll olunur. Bunun əsas səbəbləri:

• Prosesin daha sürətli olması
• Daha az maliyyə xərci tələb etməsi
• Münasibətləri qoruması
• Cəmiyyətdə sabitliyə töhfə verməsi

Hümmət Əliyevin sözlərinə görə:

“Ən güclü qərar məhkəmənin çıxardığı qərar deyil, tərəflərin öz razılığı ilə qəbul etdiyi qərardır.”

Ünvan: Quba şəhəri, Heydər Əliyev prospekti,
"İlqaroğlu" Business Center, II mərtəbə.
Tel.mob: (+994) 77 450.77.44, (+994) 77 450.77.44
E/ünvan: [email protected]

Şabran ofisi:
Ünvan: Şabran şəhəri, Zərifə Əliyev küç., (Şabran Məhkəməsinin qarşısı)
Tel.mob: (+994) 77 588.77.44