BAKI,VOA,Vüsalə Əzimzadə

İran Prezidenti Məsud Pezeşkian bildirib ki, ABŞ iyun ayında əldə olunan razılaşma üzrə öhdəliklərinə qayıdarsa, Tehran buna dərhal qarşılıq verəcək.

Pezeşkian isə Qırğızıstanda keçirilən Şanxay Əməkdaşlıq Təşkilatının sammitində çıxış edərkən deyib.

“ABŞ adıçəkilən anlaşma çərçivəsində öz öhdəliklərinə qayıdarsa, İran İslam Respublikası dərhal qarşılıqlı addım atacaq”, - Pezeşkian bildirib.

İyunda əldə olunan anlaşma Tehran və Vaşinqton arasında aylarla davam edən qarşıdurmaya son qoymaq məqsədi daşıyırdı. Lakin daha sonra razılaşma qüvvədən düşüb və tərəflər onun şərtlərini pozmaqda bir-birini ittiham ediblər.

Pezeşkianın açıqlaması İran və ABŞ arasında gərginliyin yenidən artdığı və Hörmüz boğazının tərəflər arasında əsas mübahisə mövzularından biri olaraq qaldığı bir vaxtda səslənib. İran strateji su yolunu bağlamaqda davam edir və ABŞ razılaşma üzrə öhdəliklərini yerinə yetirəcəyi təqdirdə Hörmüz boğazını yenidən açacağını bildirir.

İranın xarici işlər naziri Abbas Əraqçi də daha əvvəl ABŞ-ın razılaşma üzrə öhdəliklərinə qayıtmalı olduğunu bildirib.