NATO-nun 36-cı Dövlət və Hökumət Başçıları Zirvə Toplantısı iyulun 7-də Ankarada Türkiyə Prezidenti Rəcəb Tayyib Ərdoğanın ev sahibliyi ilə işə başlayıb. İki gün davam edəcək sammitdə ABŞ Prezidenti Donald Tramp da daxil olmaqla alyansa üzv 31 ölkənin lideri, eləcə də tərəfdaş dövlətlərin nümayəndələri iştirak edir.

Ankarada keçiriləcək NATO-nun 36-cı Zirvə Toplantısı çərçivəsində Türkiyə Prezidenti Rəcəb Tayyib Ərdoğan ilə ABŞ Prezidenti Donald Tramp arasında gözlənilən görüş alyansın gələcəyi və regional təhlükəsizlik baxımından ən mühüm hadisələrdən biri hesab olunur. Görüşdə ikitərəfli münasibətlərdən tutmuş Ukrayna müharibəsi, İran məsələsi və müdafiə sənayesi əməkdaşlığına qədər bir sıra strateji mövzuların müzakirə ediləcəyi gözlənilir.

ABŞ millisinin futbolçusu Folarin Baloqun Dünya Çempionatında diqqət mərkəzinə düşüb. Bosniya və Herseqovina ilə oyunda qırmızı vərəqə alan futbolçunun cəzası Beynəlxalq Futbol Federasiyası tərəfindən dayandırılıb. Qərardan əvvəl ABŞ Prezidenti Donald Tramp futbolçunun işi ilə bağlı yenidən baxılmasına çağırış etmişdi. Folarin Baloqun ABŞ-də doğulduğu üçün bu ölkənin vətəndaşıdır. Daha sonra ailəsi Böyük Britaniyaya qayıdıb və o, burada böyüyüb. Futbolçu əvvəl İngiltərənin aşağı yaş qruplarında çıxış etsə də, 2023-cü ildə ABŞ millisini seçib. Onun ətrafında yaranan vəziyyət həm idman, həm də siyasi müzakirələrə səbəb olub. Baloqunun Belçikaya qarşı oyunda iştirakı böyük maraq doğurur.

Niderland NATO forumunda 3 milyard avrodan çox dəyərində müdafiə layihələrini açıqlayacağını bəyan edib. Müdafiə naziri Dilan Yeşilgöz bildirib ki, söhbət yalnız vədlərdən deyil, konkret layihələrdən gedir. Niderland Belçika ilə hava hücumundan müdafiə, Böyük Britaniya ilə isə hərbi gəmi layihələri üzrə əməkdaşlığı genişləndirəcək. Almaniya ilə yeni birgə müdafiə proqramlarının hazırlanması da gündəmdədir. Bu addımlar NATO ölkələrinin müdafiə xərclərini artırmaq siyasətinin tərkib hissəsi kimi qiymətləndirilir. ABŞ Prezidenti Donald Tramp da uzun müddətdir müttəfiqləri bu istiqamətdə daha çox vəsait ayırmağa çağırır. Mövzu Ankarada keçiriləcək NATO forumu və zirvəsinin əsas gündəm məsələlərindən biri olacaq. Alyansın gələcək müdafiə strategiyası bu görüşlərdə geniş müzakirə ediləcək.

Ankara iyulun 7-8-də NATO Dövlət və Hökumət Başçılarının 36-cı Zirvə toplantısına ev sahibliyi edəcək. Türkiyə Prezidenti Rəcəb Tayyib Ərdoğan tədbir çərçivəsində NATO-ya üzv 32 ölkənin lideri ilə görüşəcək. ABŞ Prezidenti Donald Trampın da iştirak edəcəyi zirvədə ikitərəfli görüşlərin keçirilməsi planlaşdırılır. Müdafiə xərclərinin artırılması, alyansın təhlükəsizlik strategiyası və Avropa-Atlantik məkanındakı təhdidlər əsas müzakirə mövzuları olacaq. Liderlər Ukraynadakı vəziyyət və NATO-nun cənub istiqamətində baş verən son proseslər barədə də fikir mübadiləsi aparacaqlar. Zirvə çərçivəsində ailə fotosu çəkiləcək, rəsmi ziyafət və bir sıra mətbuat konfransları keçiriləcək. Tədbirdə yüzlərlə yüksək vəzifəli nümayəndənin iştirakı gözlənilir. Ankara iki gün ərzində dünya siyasətinin əsas mərkəzlərindən birinə çevriləcək.

İsrailin Baş naziri Benyamin Netanyahu ABŞ Prezidenti Donald Trampla münasibətlərinə dair açıqlama verib. O, iki ölkə arasında bəzi fikir ayrılıqlarının olduğunu təsdiqləyib. Bununla yanaşı, Netanyahu münasibətlərin ümumilikdə yaxşı olduğunu və əsas məsələlərdə ortaq mövqenin qorunduğunu bildirib. Onun sözlərinə görə, müttəfiqlər arasında yaranan fikir ayrılıqları qarşılıqlı hörmət çərçivəsində həll edilir. Açıqlama ABŞ Prezidentinin Ankaraya planlaşdırılan səfəri fonunda səsləndirilib. Netanyahu daha əvvəl Türkiyəyə F-35 qırıcılarının satışına etiraz etdiyini də bəyan etmişdi. Bu açıqlamalar Vaşinqton və Təl-Əviv arasında münasibətlərlə bağlı müzakirələri yenidən gündəmə gətirib. Tərəflərin gələcək təmasları diqqətlə izlənilir.

ABŞ Prezidenti Donald Tramp prezident postunda özünə ən uyğun varis kimi vitse-prezident Cey Di Vensi gördüyü bildirilir. Nəşrin yazdığına əsasən, Tramp Respublikaçılar Partiyasının gələcək lideri və növbəti prezident seçkilərində əsas namizədi kimi məhz Cey Di Vensi nəzərdə tutur.

Türkiyənin xarici işlər naziri Hakan Fidan, Rəcəb Tayyib Ərdoğan ilə Donald Tramp arasında mövcud olan yaxın münasibətlərin NATO daxilində fikir ayrılıqlarının aradan qaldırılmasına töhfə verə biləcəyini bildirib. Fidanın sözlərinə görə, Ankara Sammiti çərçivəsində Türkiyə Ərdoğan və Tramp arasındakı qarşılıqlı etimad və dostluq münasibətlərindən istifadə edərək Alyans daxilindəki fikir ayrılıqlarını aradan qaldırmağa çalışacaq

Beynəlxalq Futbol Federasiyasının (FIFA) sabiq prezidenti Yozef Blatter ABŞ Prezidenti Donald Trampın ABŞ milli komandasının futbolçusu Folarin Baloqunun cəzasının ləğvinə təsir göstərdiyi barədə yayılan məlumatları sərt tənqid edərək futbolun siyasi təsir vasitəsinə çevrilməməli olduğunu bildirib.

NATO-ya üzv ölkələrin dövlət və hökumət başçıları iyulun 7-8-də Ankarada keçiriləcək sammitdə bir araya gələcəklər. Toplantının əsas müzakirə mövzuları müdafiə xərclərinin artırılması, alyansın hərbi sənaye potensialının gücləndirilməsi, Ukraynaya dəstəyin davam etdirilməsi və Yaxın Şərqdəki son hadisələrin regional təhlükəsizliyə təsiri olacaq.

ABŞ Prezidenti Donald Trampın müdaxiləsindən sonra FIFA ABŞ millisinin hücumçusu Folarin Baloqunun avtomatik diskvalifikasiyasının icrasını dayandıraraq onun Belçikaya qarşı dünya çempionatının 1/8 final oyununda iştirakına icazə verib. Donald Tramp FIFA prezidenti Canni İnfantino ilə telefon danışığında qərarın yenidən nəzərdən keçirilməsini xahiş edib.

Çərşənbə günü ABŞ Prezidenti Ankarada keçiriləcək 36-cı NATO Dövlət və Hökumət Başçıları Zirvəsinin rəsmi qarşılama mərasiminə və ailə fotosunun çəkilişinə qatılacaq. Daha sonra o, NATO liderlərinin işçi iclasında iştirak edəcək. Proqrama əsasən, Donald Tramp çərşənbə günü günortadan sonra Ukrayna Prezidenti Volodimir Zelenski və Suriya Prezidenti Əhməd Şara ilə də ikitərəfli görüşlər keçirəcək.

İyulun 7-8-də Ankarada keçiriləcək NATO-nun 36-cı Dövlət və Hökumət Başçıları Zirvəsi üçün bütün hazırlıqlar başa çatıb. İştirakçıların sayı, təhlükəsizlik tədbirləri, media infrastrukturu və təşkilati miqyası baxımından tədbirin NATO tarixinin ən genişmiqyaslı zirvələrindən biri olacağı gözlənilir.

İyulun 7-8-də Ankarada keçiriləcək NATO Zirvəsi alyansın gələcək strategiyasının müəyyənləşdirilməsi baxımından son illərin ən mühüm görüşlərindən biri hesab olunur. Zirvədə ABŞ, Avropa, NATO və Türkiyənin prioritetləri eyni masa arxasında müzakirə ediləcək. Analitiklərin fikrincə, görüşün nəticələri yalnız alyansın gələcək fəaliyyət istiqamətlərini deyil, həm də Avropanın təhlükəsizlik arxitekturasını formalaşdıracaq.

ABŞ Prezidenti Donald Tramp İranın Vaşinqtonla razılığa gəlmək istədiyini iddia edib. O, həmçinin ABŞ-nin İranın ali dini lideri Ali Khameneinin dəfn mərasimi ilə əlaqədar Tehrana bir həftə vaxt verdiyini bildirib. Tramp bu fikirləri ABŞ-nin 250 illik yubiley tədbirlərinin açılışı münasibətilə Mount Rushmore National Memorialdə keçirilən çıxışı zamanı səsləndirib.

İsrailin Baş naziri Benyamin Netanyahu ilə ABŞ Prezidenti Donald Tramp telefon danışığı aparıblar. Tərəflər yaxın vaxtlarda ABŞ-da görüş keçirmək barədə razılığa gəliblər. Bu barədə Netanyahu ofisinin yaydığı məlumatda bildirilir. Görüşün dəqiq tarixi hələ açıqlanmayıb. Həmçinin görüşün gündəliyi barədə də məlumat verilməyib. Danışıqların ABŞ-da keçirilməsi planlaşdırılır. Rəsmi açıqlamada əlavə təfərrüatlar yer almayıb.

ABŞ Prezidenti Donald Tramp Vaşinqtonun İranla aparılan danışıqlarda irəli sürdüyü tələblərin demək olar ki, hamısının Tehran tərəfindən qəbul edildiyini bildirib. Tramp CNBC telekanalına müsahibəsində tərəflər arasında danışıqların davam etdiyini vurğulayaraq, "Düşünürəm ki, onlar bizə lazım olan demək olar ki, bütün şərtlərlə razılaşıblar", - deyə bildirib.

ABŞ Prezidenti Donald Trampın siyasi davranış tərzi uzun illərdir beynəlxalq siyasətdə müzakirə mövzusudur. Siyasi analitiklər hesab edirlər ki, Tramp qərarlarını yalnız impulsiv şəkildə qəbul edən lider deyil, əksinə, qeyri-müəyyənlik yaratmağı danışıqlarda təzyiq vasitəsinə çevirən xüsusi strategiyadan istifadə edir. Bu yanaşma ABŞ-ın keçmiş Prezidenti Riçard Niksonun "dəli adam nəzəriyyəsi" ilə Trampın biznes fəlsəfəsinin sintezindən formalaşmış yeni model kimi qiymətləndirilir.

ABŞ Prezidenti Donald Trampın 2026-cı il futbol üzrə dünya çempionatı zamanı demək olar ki, tamamilə diqqətdən kənarda qalması beynəlxalq mediada müzakirə mövzusuna çevrilib. Turnir ABŞ ərazisində keçirilsə və ölkənin ev sahibliyi etdiyi ən böyük idman tədbirlərindən biri hesab olunsa da, Tramp çempionatın ilk 22 günü ərzində keçirilən 82 oyunun heç birini stadiondan izləməyib.

3 İyul tarixi dünya tarixində bir sıra önəmli hadisələrlə yadda qalıb. Bu gün baş vermiş əsas hadisələrin xronoloji xülasəsini təqdim edirik

ABŞ Suriyanın Livanda "Hizbullah"ın silahsızlaşdırılmasında daha fəal rol almasını istəyir. Donald Tramp bununla bağlı son həftələrdə bir neçə dəfə açıqlama verib. Lakin Suriya diplomatik yanaşmaya üstünlük verdiyini nümayiş etdirir. Suriyanın xarici işlər nazirinin Livana səfəri zamanı Nəbi Berri ilə görüş keçirməsi bunun göstəricisi kimi qiymətləndirilir. Müşahidəçilər hesab edirlər ki, Dəməşq hərbi müdaxilə əvəzinə siyasi dialoqa üstünlük verir. Suriya ilə Livan arasında münasibətlər uzun illərdir mürəkkəb olaraq qalır. Son diplomatik təmaslar bu münasibətlərdə yeni mərhələnin başlanğıcı kimi dəyərləndirilir.

ABŞ Prezidenti Donald Tramp Şimali Dakota ştatında keçirilən mərasimdə Hörmüz boğazı ilə bağlı açıqlama verib. O bildirib ki, boğazı tərk edən gəmilərin sayı rekord həddə çatıb. Tramp çıxışı zamanı kommunizmi də ən böyük təhlükələrdən biri kimi qiymətləndirib. Açıqlama Teodor Ruzvelt Prezident Kitabxanasının açılış mərasimində səsləndirilib. ABŞ Prezidenti Hörmüz boğazındakı vəziyyət barədə əlavə məlumat verməyib. Onun sözləri bölgədə davam edən geosiyasi gərginlik fonunda diqqət çəkib. Hörmüz boğazı qlobal enerji daşımalarının əsas marşrutlarından biri hesab olunur.

ABŞ-ın vitse-prezidenti Cey Di Vens İranla davam edən danışıqları müsbət qiymətləndirib. O bildirib ki, müzakirələr olduqca uğurla gedir və əldə olunan irəliləyişin davam etdirilməsi üçün iş aparılır. Vensin sözlərinə görə, Prezident Donald Tramp razılaşmaya nail olunması və danışıqların xoş niyyət prinsipi əsasında davam etdirilməsi barədə göstəriş verib. ABŞ rəsmisi İran rəhbərliyi daxilində yeni səhifə açmaq istəyən qüvvələrin olduğunu da qeyd edib. Vaşinqton danışıqlar prosesində müsbət dinamikanın qorunacağına ümid edir. ABŞ və İran arasında təmaslar əsasən texniki məsələlər ətrafında davam edir. Tərəflər mümkün razılaşmanın icrası ilə bağlı müzakirələri davam etdirirlər.

ABŞ Prezidenti Donald Tramp Qətər Əmiri Şeyx Təmim bin Həməd Al Saniyə yeni prezident təyyarəsinə görə təşəkkür edib. Tramp bildirib ki, Qətər Əmiri ABŞ-yə töhfə vermək istədiyini deyib. Onun sözlərinə görə, əvvəlki prezident təyyarəsinin yaşı 35 il idi. Yeni təyyarənin təxminən beş ay ərzində prezident standartlarına uyğunlaşdırılması nəzərdə tutulur. Tramp əsas diqqətin təhlükəsizlik tələblərinə yönələcəyini bildirib. Açıqlama İranla danışıqlar və digər mövzular barədə danışarkən verilib. ABŞ Prezidenti Qətər Əmirini yüksək qiymətləndirib.