BAKI,VOA,Yusif Şərifzadə
ABŞ-ın vitse-prezidenti Cey Di Vens İranla aparılan danışıqların "olduqca uğurla" davam etdiyini və Vaşinqtonun əldə olunan irəliləyişin qorunması üçün çalışdığını bildirib.
VOA xəbər verir ki, Cey Di Vens açıqlamasında ABŞ Prezidenti Donald Trampın göstərişlərinin aydın olduğunu vurğulayıb.
Onun sözlərinə görə, Prezident Tramp administrasiyaya razılığın əldə olunması istiqamətində səyləri davam etdirməyi və danışıqları xoş niyyət əsasında aparmağı tapşırıb.
Vens əlavə edib ki, ABŞ tərəfi İran hakimiyyəti daxilində ölkənin yeni mərhələyə keçməsini istəyən qüvvələrin mövcud olduğunu müşahidə edir və danışıqlarda əhəmiyyətli irəliləyiş hiss olunur.