BAKI,VOA, Fərid Mikayılov
ABŞ Prezidenti Donald Tramp İranın Vaşinqtonla razılığa gəlmək istədiyini iddia edib. O, həmçinin ABŞ-nin İranın ali dini lideri Əli Xameneinin dəfn mərasimi ilə əlaqədar Tehrana bir həftə vaxt verdiyini bildirib.
VOA xəbər verir ki, Tramp bu fikirləri ABŞ-nin 250 illik yubiley tədbirlərinin açılışı münasibətilə Mount Rushmore National Memorialdə keçirilən çıxışı zamanı səsləndirib.
“Biz İrana ağır zərbə endirdik. Onlar razılığa gəlmək üçün can atırlar. Dəfn mərasimi ilə əlaqədar onlara bir həftə vaxt verdik, çünki biz yaxşı davranırıq”, – deyə Tramp bildirib.
İran tərəfi isə Trampın bu açıqlamalarına hələlik rəsmi münasibət bildirməyib.