BAKI,VOA,Yusif Şərifzadə

ABŞ Livanda "Hizbullah"ın silahsızlaşdırılması məsələsində Suriyanın daha fəal rol oynamasını istəsə də, Dəməşq diplomatik yanaşmaya üstünlük verdiyini göstərən addımlar atır.

VOA xəbər verir ki, ABŞ Prezidenti Donald Tramp son həftələrdə Suriyanın Livanda "Hizbullah"ın silahsızlaşdırılması prosesində aparıcı rol oynamasının vacibliyini dəfələrlə dilə gətirib.

Bununla yanaşı, Suriya rəhbərliyi bu yanaşmanı dəstəkləmədiyini nümayiş etdirir. Suriyanın xarici işlər nazirinin Livana son səfəri zamanı ölkə parlamentinin sədri və "Hizbullah"ın əsas müttəfiqlərindən biri hesab olunan Nəbi Berri ilə görüş keçirməsi Dəməşqin diplomatik yolu üstün tutduğunun göstəricisi kimi qiymətləndirilir.

Müşahidəçilərin fikrincə, bu görüş Suriyanın Livanda hərbi müdaxilə əvəzinə siyasi dialoq və qarşılıqlı əlaqələr vasitəsilə mövqeyini formalaşdırmağa çalışdığını göstərir.

Suriya ilə Livan arasında münasibətlər uzun illərdir mürəkkəb xarakter daşıyır və hər iki ölkə müxtəlif dövrlərdə bir-birinin daxili proseslərinə təsir göstərib.