BAKI,VOA, Nailə Babazadə

Amerika Birləşmiş Ştatlarının Prezidenti Donald Tramp İranla davam edən gərginlik fonunda hər hansı bir təzyiq altında olmadığını və zamanın Tehran rəhbərliyinin əleyhinə işlədiyini vurğulayıb.

VOA xəbər verir ki, çatışmaları dərhal bitirmək yönündəki gözləntiləri rədd edən Tramp bu prosesdə özünü ən rahat və qətiyyətli tərəf kimi təqdim edib. O İranın hərbi baxımdan ağır zərbələr aldığını iddia edərək Tehranın dəniz və hava qüvvələrinin demək olar ki tamamilə sıradan çıxarıldığını irəli sürüb.

Prezident Trampın sözlərinə görə İranın radar sistemləri məhv edilib və ölkənin rəhbərlik strukturu ciddi şəkildə zəiflədilib. Hazırda tətbiq olunan hərbi və iqtisadi blokadanın hər keçən gün daha da gücləndiyini deyən Tramp vəziyyətin Tehran üçün çıxılmaz həddə çatdığını müdafiə edib. O mümkün bir sülh sazişinin yalnız ABŞ və müttəfiqlərinin strateji maraqlarına tam xidmət edəcəyi təqdirdə imzalana biləcəyini xüsusi qeyd edib.

Açıqlamasında New York Times və CNN kimi nüfuzlu media qurumlarını da hədəf alan Donald Tramp həmin KİV-ləri saxta xəbərlər istehsal etməkdə ittiham edib. Trampın fikrincə medianın onun İranla müharibəyə görə narahat olduğu barədə yaydığı iddialar tamamilə əsassızdır və bu qurumlar artıq öz etibarlılığını itiriblər. ABŞ lideri rəsmi Vaşinqtonun masa arxasında güclü tərəf olduğunu və tələsik qərarlar verməyəcəyini bir daha diqqətə çatdırıb.