BAKI,VOA, Nailə Babazadə

NATO-nun təsis müqaviləsində üzv ölkələrin üzvlüyünün dayandırılması və ya ittifaqdan çıxarılması ilə bağlı hər hansı bir bəndin olmadığı bildirilib.

VOA xəbər verir ki, bir NATO rəsmisi, beynəlxalq mətbuatda ABŞ Müdafiə Nazirliyinə məxsus daxili elektron poçtda ABŞ-ın İrana qarşı hücumlarda və Hörmüz boğazındakı əməliyyatlarda ona dəstək verməyən NATO müttəfiqlərini cəzalandırmaq üçün müəyyən ssenarilər üzərində işlədiyinə dair yayılan xəbərlərlə bağlı AA müxbirinə açıqlama verib.

Rəsmi şəxs: "NATO-nun Təsis Müqaviləsi üzvlüyün dayandırılması və ya xaric edilməsi üçün hər hansı bir müddəa nəzərdə tutmur" — ifadəsini işlədib.

ABŞ Müdafiə Nazirliyinə aid daxili yazışmalarda ABŞ-ın İrana qarşı hücumları dəstəkləməyən NATO ölkələrini "çətin müttəfiqlər" kimi xarakterizə etdiyi və onları cəzalandırmaq üçün bəzi variantların təklif olunduğu iddia edilmişdi.

Həmin yazışmalarda İspaniyanın NATO ittifaqından çıxarılması və ABŞ-ın İngiltərənin Folklend adaları üzərindəki iddialarını tanıyan mövqeyindən imtina etməsi kimi variantların da yer aldığı irəli sürülmüşdü.

İspaniya Baş naziri Pedro Sançes isə iddiaları təkzib edərək, hökumətin siyasətini rəsmi bəyanatlar əsasında müəyyənləşdirdiyini bildirib. İspaniyanın mövqeyinin aydın olduğunu vurğulayan Sançes, müttəfiqlərlə əməkdaşlığın beynəlxalq hüquq çərçivəsində davam etdiriləcəyini qeyd edib.