BAKI,VOA,Yusif Şərifzadə
Çin Xarici İşlər Nazirliyi ABŞ və İran arasında aparılan danışıqların ikinci mərhələsinin əvvəlkindən daha mürəkkəb olacağını bildirib.
VOA xəbər verir ki, bu barədə Çinin xarici işlər naziri Van İ Pakistanın xarici işlər naziri İşaq Dar ilə görüş zamanı danışıb.
Van İ qeyd edib ki, Tehran və Vaşinqton arasında razılaşmanın növbəti mərhələsində daha ciddi fikir ayrılıqları yarana bilər.
O bildirib ki, hazırkı razılaşma yekun məqsəd deyil, yalnız prosesin başlanğıcıdır.
Çin rəsmisinin sözlərinə görə, Yaxın Şərq və Körfəz regionunda davamlı sülhün əldə olunması üçün bütün tərəflərin səyləri davam etməlidir.
Pekin həmçinin BMT Təhlükəsizlik Şurasının bu danışıqlarda daha aktiv rol oynamasını təklif edib.