BAKI,VOA, Fərid Mikayılov
Böyük Britaniyanın baş naziri Kir Starmer Hürmüz boğazı ilə bağlı ölkəsinin mövqeyini açıqlayıb.
VOA xəbər verir ki, Starmer bildirib ki, Britaniya heç bir halda İranla bağlı müharibəyə cəlb olunmayacaq və boğazın blokadasında iştirak etməyəcək.
Baş nazir beynəlxalq dəniz keçidinin açıq qalmasının vacibliyini vurğulayaraq son həftələrdə bütün səylərin bu istiqamətə yönəldiyini qeyd edib.
Bildirilib ki, Britaniya regionda hərbi imkanlarını əsasən boğazın təhlükəsiz və açıq saxlanmasına yönəldib. Bununla yanaşı, Starmer qeyd edib ki, ölkəsinə müharibəyə qoşulmaq üçün təzyiqlər olsa da, yalnız hüquqi əsas və dəqiq plan olduqda belə qərar qəbul edilə bilər.
Qeyd olunub ki, ABŞ hərbi qüvvələri İran limanlarına giriş-çıxış edən dəniz nəqliyyatına nəzarət tədbirlərinin gücləndiriləcəyini açıqlayıb.