BAKI,VOA, Fərid Mikayılov

İranın xarici işlər naziri Abbas Əraqçi ABŞ ilə mümkün yeni qarşıdurma ilə bağlı diqqətçəkən açıqlama verib. O bildirib ki, İranın son müharibə dövründə əldə etdiyi təcrübə və kəşfiyyat məlumatları gələcək hərbi ssenarilərdə ciddi fərqlər yarada bilər.

VOA xəbər verir ki, Əraqçi sosial şəbəkə hesabında paylaşdığı açıqlamada ABŞ Konqresinin hesabatına istinad edərək, Vaşinqtonun İranla qarşıdurma zamanı milyardlarla dollar dəyərində hərbi texnika deyib.

Onun sözlərinə görə, həmin hesabatda ABŞ ordusunun müxtəlif tipli döyüş və dəstək təyyarələri itirməsi ilə bağlı məlumatlar yer alıb.

İranlı nazir xüsusilə qeyd edib ki, İran Silahlı Qüvvələrinin ilk dəfə Lockheed Martin F-35 Lightning II tipli döyüş təyyarəsini vurduğu barədə iddiaların təsdiqləndiyini bildirib.

“İrana qarşı müharibənin başlamasından aylar sonra ABŞ Konqresi milyardlarla dollar dəyərində onlarla təyyarənin itirildiyini qəbul edir. Öyrəndiyimiz dərslər və əldə etdiyimiz məlumatlarla müharibəyə dönüş daha çox sürprizlər yaradacaq” – deyə Əraqçi bildirib.

Məlumata görə, ABŞ Konqresinin Araşdırma Xidmətinin hazırladığı hesabatda münaqişə zamanı ümumilikdə 42 təyyarənin itirildiyi qeyd olunur. Buraya 1 F-35, 4 F-15 və 7 yanacaqdaşıyan təyyarənin daxil olduğu bildirilir. Bu məlumatlar tərəflərin açıqlamaları və iddiaları fonunda beynəlxalq müzakirələrə səbəb olub.