BAKI,VOA, Nailə Babazadə

İran Xarici İşlər Nazirliyinin sözçüsü İsmayıl Bəqayi Tehranda keçirdiyi həftəlik mətbuat konfransında ABŞ ilə aparılan sülh müzakirələri çərçivəsində bu gün Pakistandan olan nümayəndə heyətini qəbul edəcəklərini bildirib.

VOA xəbər verir ki, sözçü qeyd edib ki, Pakistandakı danışıqların əsas məqsədi müharibənin dayandırılması və İranın tələblərinin müzakirə edilməsidir. Görüş zamanı tərəflərin mövqelərinin təfərrüatlı şəkildə nəzərdən keçiriləcəyi vurğulanıb.

Nüvə proqramı ilə bağlı iddialara toxunan Bəqayi İranın nüvə silahı istehsal etmək niyyətində olmadığını bir daha bəyan edib. O bildirib ki, uranın zənginləşdirilməsi səviyyəsi müzakirə mövzusu ola bilər ancaq İran öz daxili ehtiyaclarına uyğun olaraq bu prosesi davam etdirəcək. Sözçü həmçinin ABŞ-ı nüvə məsələsindən Tehrana təzyiq vasitəsi kimi istifadə etməkdə ittiham edib. Hörmüz boğazındakı vəziyyəti dəyərləndirən nazirlik rəsmisi son dövrlərdə bölgədə yaranan təhlükələrin əsas səbəbinin ABŞ və İsrailin fəaliyyətləri olduğunu iddia edib.