BAKI,VOA,Yusif Şərifzadə

ABŞ Prezidenti Donald Tramp İsrailin Baş naziri Benyamin Netanyahunun Birləşmiş Ştatlarda olduğu müddətdə həbs olunmayacağını bildirib. Onun açıqlaması Nyu-York meri Zohran Mamdaninin Netanyahu şəhərə səfər edəcəyi təqdirdə mümkün həbs məsələsini araşdırdığını deməsindən sonra gəlib.

VOA xəbər verir ki, Donald Tramp sosial şəbəkədəki paylaşımında Netanyahuya ABŞ ərazisində qarşı hər hansı həbs tədbirinin həyata keçirilməyəcəyini bildirib. O qeyd edib ki, İsrail Baş naziri “heç bir halda, heç bir şəkildə və heç bir formada” ABŞ-da həbs olunmayacaq.

Trampın açıqlaması Nyu-York şəhərinin meri Zohran Mamdaninin Netanyahu sentyabr ayında BMT Baş Assambleyasının iclası üçün Nyu-Yorka səfər edəcəyi təqdirdə onun saxlanılması imkanları ilə bağlı şəhər qurumları ilə məsləhətləşdiyini açıqlamasından sonra verilib.

Mamdaninin sözlərinə görə, o, Nyu-York Polis Departamentinin xarici ölkə liderini həbs etmək səlahiyyətinə malik olub-olmadığı məsələsini dəqiqləşdirməyə çalışır.

Netanyahu barəsində Beynəlxalq Cinayət Məhkəməsi tərəfindən Qəzzadakı hadisələrlə bağlı ittihamlar irəli sürülüb və onun bəzi ölkələrə səfəri hüquqi müzakirələrə səbəb olub.