BAKI,VOA Orxan Qədirzadə
Azadlıq donanması iştirakçılarından 59 nəfəri daşıyan təyyarə axşam saatlarında İstanbul hava limanına eniş edib.
VOA xəbər verir ki, bu şəxslər İsrail tərəfindən beynəlxalq sularda saxlanıldıqdan sonra azad edilərək Türkiyəyə göndərilib. Aktivistlər Qəzzaya humanitar yardım çatdırmaq məqsədilə təşkil olunan missiyada iştirak ediblər.
Hadisə İsrailin Girit adası yaxınlığında flotiliyaya müdaxiləsindən sonra baş verib. Daha əvvəl verilən məlumatlara əsasən, saxlanılan şəxslərin bir hissəsi Yunanıstanda sərbəst buraxılmışdı.
Qeyd olunur ki, proseslə bağlı əlavə məlumatların yaxın saatlarda açıqlanacağı gözlənilir.