BAKI,VOA Orxan Qədirzadə
Birləşmiş Millətlər Təşkilatı (BMT) İsraili Qəzzaya istiqamətlənən “Qlobal Sumud Flotilla” gəmisindən saxlanılan iki fəalı dərhal azad etməyə çağırıb.
BMT İnsan Haqları Ofisinin sözçüsü Tamin əl-Xitan bildirib ki, Səif Əbükəşək və Tiaqo de Avila beynəlxalq sularda saxlanılıb və daha sonra İsrailə aparılaraq heç bir rəsmi ittiham irəli sürülmədən həbsdə saxlanılır.
BMT rəsmisinin açıqlamasına görə, təşkilat həmçinin saxlanılan şəxslərlə bağlı “narahatedici və ciddi pis rəftar iddiaları” üzrə müstəqil araşdırma aparılmasını tələb edib.
Hadisə beynəlxalq hüquq və dəniz təhlükəsizliyi ilə bağlı müzakirələri yenidən gündəmə gətirib.