BAKI, AzerVoice, Nailə Babazadə
İstanbul və Ankarada İŞİD-ə qarşı əməliyyatlar keçirilib. Əməliyyatlar zamanı ümumilikdə 127 şübhəli şəxs saxlanılıb. Saxlanılanların Yalovada törədilən hücumla əlaqəli olduqları müəyyən edilib.
AzerVoice xəbər verir ki, təhlükəsizlik qüvvələrinin İŞİD-ə qarşı əməliyyatları dayanmadan davam edir.
Yalovada dünən baş verən hücumda 3 polis əməkdaşı şəhid olmuşdu, bu səbəbdən bu gün yeni reydlər həyata keçirilib.
İstanbulda aparılan istintaqlarda 110 şübhəli saxlanılıb.
İstanbul Baş Prokurorluğundan əməliyyatla bağlı açıqlama verilib.
Açıqlamada Yalovadakı hücum xatırladılıb və saxlanılanlardan 41 nəfərin bu hücumla əlaqəli olduğu bildirilib.
Habelə qeyd olunub ki, bu şəxslərin yeni il günü oxşar hücum cəhdində ola biləcəklərinə dair məlumatlar mövcuddur.