BAKI,VOA,Yusif Şərifzadə
Böyük Britaniyanın Baş naziri Kir Starmer ABŞ və İranı atəşkəs rejiminə qayıtmağa, həmçinin Hörmüz boğazının açılması ilə bağlı razılaşmanın həyata keçirilməsinə çağırıb.
VOA xəbər verir ki, Starmer bu barədə Ankarada keçirilən Şimali Atlantika Müqaviləsi Təşkilatının zirvə toplantısında çıxışı zamanı danışıb.
Baş nazir bildirib ki, zorakılıq davam edərsə, Böyük Britaniyada və digər ölkələrdə iqtisadi vəziyyət pisləşə bilər. Onun sözlərinə görə, vəziyyət tez bir zamanda həll olunmasa, ailələrin kommunal xərclərinə də təsir göstərə bilər.
Starmer vurğulayıb ki, gərginliyin azalması və Hörmüz boğazı ilə bağlı razılaşmanın icrası həm bölgə təhlükəsizliyi, həm də qlobal iqtisadi sabitlik baxımından vacibdir.