Səudiyyə Ərəbistanının Vəliəhdi və Baş naziri Şahzadə Məhəmməd bin Salman bin Əbdüləziz Al Saud ilə Kanadanın Baş naziri Mark Karni arasında telefon danışığı baş tutub. Görüş zamanı Səudiyyə Ərəbistanı və Kanada arasındakı ikitərəfli münasibətlər, həmçinin iki ölkə arasında müxtəlif sahələrdə mövcud olan əməkdaşlıq imkanları ətraflı müzakirə edilib. Liderlər mövcud əlaqələrin daha da möhkəmləndirilməsi və müxtəlif istiqamətlər üzrə inkişaf etdirilməsi yollarını nəzərdən keçiriblər.

Ukrayna Prezidenti Volodimir Zelenski bir ay ərzində ikinci dəfə Səudiyyə Ərəbistanına rəsmi səfər edib. Zelenski ABŞ-da yerləşən "X" şirkətinin sosial media platformasındakı hesabından etdiyi açıqlamada, Səudiyyə Ərəbistanına "anlaşmaları inkişaf etdirmək" üçün gəldiyini duyurub. Avropalı liderlərlə dünən keçirdiyi görüşdə ölkəsi üçün "maliyyə zəmanətləri təmin etdiklərini" bildirən Zelenski, Səudiyyə Ərəbistanında Vəliəhd Şahzadə Məhəmməd bin Salman ilə görüşəcəyini açıqlayıb.

Səudiyyə Ərəbistanı və Yaponiya Yaxın Şərqdə sabitliyin təmin olunması istiqamətində əməkdaşlığı gücləndirmək barədə razılığa gəlib. Yaponiyanın baş naziri Sanae Takaçi ilə Səudiyyə Ərəbistanının vəliəhdi Məhəmməd bin Salman arasında telefon danışığı zamanı regional təhlükəsizlik və enerji məsələləri geniş müzakirə olunub.

Səudiyyə Ərəbistanı ilə İsveçrə arasında əməkdaşlığın genişləndirilməsi gündəmdədir. Görüş zamanı iki ölkə arasında müxtəlif sahələr üzrə əməkdaşlığın mövcud vəziyyəti nəzərdən keçirilib, xüsusilə investisiya istiqamətində yeni imkanlar müzakirə olunub. Tərəflər qarşılıqlı iqtisadi əlaqələrin inkişaf etdirilməsi üçün perspektivli sahələri müəyyənləşdiriblər.

Qətər Əmiri Şeyx Təmim bin Həməd Al Sani çərşənbə günü Dohada Suriya Prezidenti Əhməd əl-Şaraa ilə regional və beynəlxalq proseslərin müzakirə edildiyi rəsmi görüş keçirib. Şeyx Təmim bu səfərin iki ölkə arasında müxtəlif sektorlar üzrə əməkdaşlığı gücləndirəcəyinə və əlaqələri daha da genişləndirəcəyinə ümid etdiyini bildirib.

Sudan Suverenlik Şurasının sədri Əbdülfəttah əl-Burhan çərşənbə axşamı Maskatda Oman sultanı Heysəm bin Tariq ilə görüşərək bu Afrika dövlətindəki hadisələri müzakirə edib.Sultan Omanın Sudanın təhlükəsizliyi, sabitliyi və rifahına verdiyi dəstəyi ifadə edib. Əl-Burhan artıq dördüncü ilinə qədəm qoyan Sudandakı münaqişənin dialoq və dinc yollarla həlli, habelə milli birliyin gücləndirilməsi istiqamətində Omanın göstərdiyi səyləri yüksək qiymətləndirib. Agentlik əlavə edib ki, hər iki tərəf tərəfdaşlıq sahələrinin genişləndirilməsinin və konstruktiv əməkdaşlığın inkişaf etdirilməsinin vacibliyini vurğulayıblar.

Suriya Prezidenti Əhməd Əş-Şəraa rəsmi səfər çərçivəsində Səudiyyə Ərəbistanına gəlib. Suriya liderini Ciddə şəhərindəki Kral Əbdüləziz Beynəlxalq Hava Limanında Məkkə bölgəsinin vitse qubernatoru şahzadə Səud bin Mişal bin Əbdüləziz qarşılayıb. Səfər proqramı çərçivəsində Əhməd Əş-Şəraanın Səudiyyə Ərəbistanının vəliəhd şahzadəsi və Baş naziri Məhəmməd bin Salman ilə görüşü planlaşdırılır. Suriyanın rəsmi xəbər agentliyi SANA tərəfindən yayılan məlumata görə tərəflər ikitərəfli münasibətlərin möhkəmləndirilməsi və ortaq maraq kəsb edən regional məsələlər ətrafında geniş fikir mübadiləsi aparacaqlar.

Suriya Prezidenti Əhməd Əş-Şəraa sabah Səudiyyə Ərəbistanı-na rəsmi səfər edəcək. Səfər çərçivəsində onun Məhəmməd bin Salman ilə görüşü planlaşdırılır. Xüsusilə Yaxın Şərqdə təhlükəsizlik, siyasi sabitlik və koordinasiya məsələlərinin əsas gündəm mövzuları olacağı bildirilir. Rəsmi açıqlamalara əsasən, bu səfər region ölkələri ilə əlaqələrin genişləndirilməsi istiqamətində aparılan diplomatik fəaliyyətin davamı kimi qiymətləndirilir.

Səudiyyə Ərəbistanı hökuməti regionda təhlükəsizlik və sabitliyə yönələn təhdidlərə qarşı mövqeyini bir daha açıqlayıb. Qeyd olunub ki, hökumət İraq ərazisindən buraxılan pilotsuz uçuş aparatları ilə Səudiyyə Ərəbistanı və Körfəz Əməkdaşlıq Şurası ölkələrinə qarşı həyata keçirilən hücumları sərt şəkildə pisləyib və İraq hökumətini bu təhdidlərin qarşısını almaqda məsuliyyət daşımağa çağırıb.

Fransa Prezidenti Emmanuel Makron şənbə günü Səudiyyə Ərəbistanının vəliəhd şahzadəsi Məhəmməd bin Salman ilə telefon əlaqəsi saxlayaraq, İslamabadda davam edən İran-ABŞ sülh danışıqlarını müzakirə etdiyini açıqlayıb. Liderlər bölgədəki vəziyyətlə bağlı sıx təmasda qalmaq barədə razılığa gəliblər. "X" sosial platformasındakı paylaşımında Makron atəşkəsə verdiyi dəstəyi yenidən ifadə edib. Fransa lideri vurğulayıb ki, hazırkı atəşkəsə tam əməl olunmalı və bu proses gecikmədən Livanı da əhalə etməlidir. Makron, həmçinin regiondakı humanitar və iqtisadi sabitlik üçün Livanın təhlükəsizliyinin vacibliyini qeyd edib.

Səudiyyə Ərəbistanının rəsmi xəbər agentliyi SPA-nın məlumatına görə, vəliəhd şahzadə Məhəmməd bin Salman ilə Pakistanın Baş naziri Şahbaz Şərif arasında telefon danışığı baş tutub. Görüş zamanı liderlər regionda sürətlə inkişaf edən hadisələri və təhlükəsizlik məsələlərini müzakirə ediblər.

Səudiyyə Ərəbistanının vəliəhd şahzadəsi Məhəmməd bin Salman şənbə günü Ciddədə FİFA prezidenti Canni İnfantino ilə görüşüb. Səudiyyə Rəsmi Agentliyinin (SPA) məlumatına görə, tərəflər futbolda əməkdaşlığın gücləndirilməsi və inkişaf imkanlarının genişləndirilməsi məsələlərinə fokuslanıblar. Görüşdə Krallıq ilə FİFA arasındakı mövcud tərəfdaşlıq nəzərdən keçirilib, həm həvəskar, həm də peşəkar səviyyədə idmanın böyüməsi perspektivləri müzakirə olunub. Səudiyyə Ərəbistanı özünün "Vision 2030" islahat proqramı çərçivəsində infrastruktura, istedadların inkişafına və beynəlxalq tədbirlərə böyük sərmayələr qoyaraq özünü qlobal idman mərkəzi kimi mövqeləndirir.

Səudiyyə Ərəbistanının vəliəhdi Məhəmməd bin Salman İtaliyanın Baş naziri Giorgia Meloni ilə Ciddə şəhərində görüş keçirib. Bununla yanaşı, regional vəziyyət, xüsusilə davam edən hərbi gərginliyin qlobal ticarətə, enerji təhlükəsizliyinə və dünya iqtisadiyyatına təsiri müzakirə olunub. Tərəflər Yaxın Şərqdə sabitliyin qorunması üçün koordinasiyanın vacibliyini vurğulayıblar.

"Associated Press" (AP) agentliyinin ABŞ, İsrail və bir sıra Körfəz ölkələrinin rəsmilərinə istinadən yaydığı məlumata görə, Vaşinqtonun regiondakı müttəfiqləri İrana qarşı hava hücumlarının dayandırılmamasını tələb edirlər. İddia olunur ki, Səudiyyə Ərəbistanı, Birləşmiş Ərəb Əmirlikləri (BƏƏ), Küveyt və Bəhreyn rəsmiləri özəl görüşlərdə İranın hərbi gücünün "kifayət qədər zəiflədilmədiyini" bildiriblər. Müttəfiq ölkələr İran rəhbərliyində köklü dəyişikliklər baş verənə və ya Tehranın regional siyasətində ciddi dönüş yaranana qədər hərbi əməliyyatların sonlandırılmamasını istəyirlər.

Səudiyyə Ərəbistanının vəliəhdi, Baş nazir Şahzadə Məhəmməd bin Salman bin Əbdüləziz Ukrayna Prezidenti Volodimir Zelenski ilə regional və beynəlxalq prosesləri müzakirə edib. Görüşün əsas mövzusunu Yaxın Şərqdəki hərbi eskalasiya və Ukrayna böhranındakı son vəziyyət təşkil edib.

İspaniyanın xarici işlər naziri Xose Manuel Albares "Asharq Al-Awsat" nəşrinə verdiyi müsahibədə rəsmi Madridin Yaxın Şərqdə artan gərginliklə bağlı qəti mövqeyini açıqlayıb. Nazir İranın Səudiyyə Ərəbistanı Krallığına və Körfəzin digər ölkələrinə qarşı həyata keçirdiyi raket və dron hücumlarını "tamamilə əsassız" adlandıraraq, İspaniyanın bu təhdidlər qarşısında Səudiyyə Ərəbistanı ilə tam həmrəy olduğunu bəyan edib.

Səudiyyə Ərəbistanı Kralı Salman bin Əbdüləziz Al Saud bazar ertəsi Qətər Əmiri Şeyx Təmim bin Həməd Al Taniyə helikopter qəzası nəticəsində bir neçə hərbçinin həlak olması ilə bağlı başsağlığı teleqramı göndərib. Helikopter bazar günü planlı tapşırıq yerinə yetirərkən texniki nasazlıq səbəbindən Qətərin ərazi sularına düşüb. Kral Salman Şeyx Təmimə və həlak olanların ailələrinə dərin hüznlə başsağlığı verib. Vəliəhd şahzadə və Baş nazir Məhəmməd bin Salman bin Əbdüləziz Al Saud da Qətər Əmirinə oxşar məzmunlu teleqram ünvanlayıb.

Misir prezidenti Əs-Sisi İranın Səudiyyə Ərəbistanına qarşı "iyrənc" hücumlarını yenidən qınayaraq, Qahirənin Krallığın suverenliyini və təhlükəsizliyini təhdid edən hər hansı bir addıma qarşı Riyadın yanında olduğunu bəyan edib. Görüşdə həmçinin Misirin xarici işlər naziri Bədr Abdelatty və kəşfiyyat rəhbəri Hassan Raşad da iştirak ediblər. Liderlər regional məsələlərlə yanaşı, qarşıdan gələn Ramazan bayramı (Eyd əl-Fitr) münasibətilə bir-birini təbrik ediblər. Görüşün sonunda vəliəhd şahzadə Misir prezidentini Ciddə limanından yola salıb.

İki Müqəddəs Ocağın Xadimi, Səudiyyə Ərəbistanı Kralı Salman bin Əbdüləziz Al Səud Ramazan bayramı münasibətilə krallıq vətəndaşlarına və bütün İslam dünyasına müraciət edib. Kral Salman ölkəsinin regional münaqişələrin qarşısının alınması və qlobal təhlükəsizliyin təmin edilməsi istiqamətindəki qətiyyətli mövqeyini bir daha vurğulayıb.

Yaxın Şərqdə artan hərbi gərginlik fonunda Səudiyyə Ərəbistanı və Fransa rəhbərləri regional və beynəlxalq təhlükəsizlik məsələlərini müzakirə ediblər. Səudiyyə Ərəbistanının vəliəhdi və baş naziri Məhəmməd bin Salman bin Əbdüləziz ilə Fransa prezidenti Emmanuel Makron arasında telefon danışığı baş tutub. Danışıqlar zamanı tərəflər Yaxın Şərqdə müşahidə olunan hərbi eskalasiyanı və onun regional təhlükəsizlik və sabitliyə təsirini müzakirə ediblər.

Səudiyyə Ərəbistanının vəliəhdi və baş naziri Məhəmməd bin Salman bin Əbdüləziz Əl Səudun sədrliyi ilə Nazirlər Kabinetinin videokonfrans formatında iclası keçirilib.Nazirlər Kabineti İranın Səudiyyə Ərəbistanına, Körfəz Əməkdaşlıq Şurasına üzv ölkələrə, eləcə də bir sıra ərəb, islam və dost dövlətlərə qarşı həyata keçirdiyi hücumları kəskin şəkildə pisləyib. Bildirilib ki, mülki hədəflərin, hava limanlarının və neft obyektlərinin vurulması beynəlxalq hüququn və beynəlxalq konvensiyaların açıq şəkildə pozulmasıdır.

Türkiyə Prezidenti Rəcəb Tayyib Ərdoğan, İsrail və ABŞ-ın İrana qarşı başlatdığı hücumlar və Tehranın cavab zərbələri ilə yaranan gərginlik çərçivəsində dünya liderləri ilə silsilə telefon görüşləri keçirib. Ərdoğan bu çərçivədə ABŞ Prezidenti Donald Tramp, Avropa Komissiyasının rəhbəri Ursula fon der Lyayen, həmçinin Qətər, BƏƏ, Səudiyyə Ərəbistanı və Küveyt liderləri ilə bölgədəki son vəziyyəti müzakirə edib.

Qətər Əmiri Şeyx Təmim bin Həməd Al Sani ilə Səudiyyə Ərəbistanının Vəliəhdi Şahzadə Məhəmməd bin Salman arasında telefon danışığı baş tutub. Danışıq zamanı regionda sürətlə inkişaf edən hadisələr və təhlükəsizlik vəziyyəti ətraflı müzakirə edilib.

Tehran və Ər-Riyad regional təhlükəsizliyin təmin edilməsi və hərbi gərginlikdən qaçınmaq məsələsində vahid mövqedən çıxış edirlər. İranın Səudiyyə Ərəbistanındakı səfiri Əlirza Enayati "Asharq Al-Awsat" nəşrinə müsahibəsində bildirib ki, rəsmi Tehran nüvə proqramı ətrafında ABŞ ilə apardığı danışıqlar barədə Körfəz ölkələrini, xüsusilə Səudiyyə Ərəbistanını mütəmadi məlumatlandırır. Səfir qeyd edib ki, İran Prezidenti Məsud Pezeşkian və Səudiyyə Ərəbistanının Vəliəhdi Məhəmməd bin Salman regionda sülhün qorunmasının vacibliyini xüsusi vurğulayıblar.