BAKI,VOA, Nailə Babazadə
Səudiyyə Ərəbistanı Kralı Salman bin Əbdüləziz Al Saud bazar ertəsi Qətər Əmiri Şeyx Təmim bin Həməd Al Taniyə helikopter qəzası nəticəsində bir neçə hərbçinin həlak olması ilə bağlı başsağlığı teleqramı göndərib.
VOA xəbər verir ki,helikopter bazar günü planlı tapşırıq yerinə yetirərkən texniki nasazlıq səbəbindən Qətərin ərazi sularına düşüb. Kral Salman Şeyx Təmimə və həlak olanların ailələrinə dərin hüznlə başsağlığı verib. Vəliəhd şahzadə və Baş nazir Məhəmməd bin Salman bin Əbdüləziz Al Saud da Qətər Əmirinə oxşar məzmunlu teleqram ünvanlayıb.
Qətər tərəfi bazar günü helikopterin göyərtəsində olan 4 Qətər hərbçisinin və biri hərbçi olmaqla 3 Türkiyə vətəndaşının həlak olduğunu təsdiqləyib. Qətər Daxili İşlər Nazirliyi xilasetmə əməliyyatlarının başa çatdığını və yeddinci şəxsin də ölümünün təsdiqləndiyini bildirib.