Close Menu
    Türkiyə

    Türkiyə regional müharibənin qarşısını almağa çalışır: Ərdoğan 5 ölkə lideri ilə təmasda

    Türkiyə regional müharibənin qarşısını almağa çalışır: Ərdoğan 5 ölkə lideri ilə təmasda
    Bizi buradan izləyin və Bizə yazın

    BAKI, VOA, Nailə Babazadə

    Türkiyə Prezidenti Rəcəb Tayyib Ərdoğan, İsrail və ABŞ-ın İrana qarşı başlatdığı hücumlar və Tehranın cavab zərbələri ilə yaranan gərginlik çərçivəsində dünya liderləri ilə silsilə telefon görüşləri keçirib.

    VOA xəbər verir ki, Ərdoğan bu çərçivədə ABŞ Prezidenti Donald Tramp, Avropa Komissiyasının rəhbəri Ursula fon der Lyayen, həmçinin Qətər, BƏƏ, Səudiyyə Ərəbistanı və Küveyt liderləri ilə bölgədəki son vəziyyəti müzakirə edib.

    Prezident Ərdoğan ABŞ Prezidenti Donald Tramp ilə görüşündə İran və Körfəz ölkələrindəki kritik vəziyyəti dəyərləndirib. Eyni zamanda, hücumlara məruz qalan Qətər Əmiri Şeyx Təmim bin Həməd Al Sani, BƏƏ Dövlət Başçısı Şeyx Məhəmməd bin Zayed Al Nahyan və Küveyt Əmiri Şeyx Meşal əl-Əhməd əl-Cabir əs-Sabah ilə əlaqə saxlayaraq onlara dəstəyini və "keçmiş olsun" diləklərini çatdırıb.

    Səudiyyə Ərəbistanının vəliəhd şahzadəsi Məhəmməd bin Salman ilə söhbətində Ərdoğan mühüm xəbərdarlıq edərək bildirib ki, lazımi müdaxilə edilmədiyi təqdirdə münaqişə prosesi regional və qlobal təhlükəsizlik üçün çox ağır nəticələr doğuracaq. O, Türkiyə və Səudiyyə Ərəbistanının ixtilafların dialoq yolu ilə həlli üçün ciddi səy göstərdiyini vurğulayaraq, diplomatiyanın ən ağlabatan yol olduğunu qeyd edib.

    Prezident Ərdoğan həmçinin Avropa Komissiyasının sədri Ursula fon der Lyayenlə görüşündə Türkiyənin bütün tərəfləri müzakirə masasına qayıtmağa çağırdığını və sülh prosesinə hər cür dəstəyi verməyə hazır olduğunu bəyan edib. Görüşdə bu prosesdə Türkiyə ilə Avropa İttifaqı arasında yaxın koordinasiyanın davam etdirilməsinin vacibliyi vurğulanıb.

    Oxşar Xəbərər

    © 2026 Azervoice.