Suriyanın terroru dəstəkləyən dövlət təsnifatından çıxarılması onun təcriddən tərəfdaşlığa doğru yolunda növbəti addımdır və Birləşmiş Ştatlar ilə Suriya arasında qarşılıqlı maraqlara əsaslanan yeni münasibətlərdə daha bir təməl daşıdır.ArabAZ xəbər veri ki, bu haqda ABŞ-nin Dəməşqdəki Səfirliyinin "X" platformasındakı paylaşımında deyilir.
Suriya Məkkə müdafiə paktına qoşulur? – Xarici İşlər nazirindən İslamabadda mühüm bəyanat
"ABŞ Prezidentinin Suriyaya şans vermək kimi cəsarətli baxışına daha bir tarixi nailiyyət əlavə olunur. Bu gün Dövlət katibi Marko Rubio Suriyanın terroru dəstəkləyən dövlət təsnifatını rəsmən ləğv etdi. Bu, Suriyanın təcriddən tərəfdaşlığa, terror mənbəyindən qlobal miqyasda terrorizmə qarşı mübarizədə sadiq tərəfdaşa çevrilməsi istiqamətindəki qeyri-adi səyahətində daha bir həlledici addımdır.Bu təsnifat çox uzun müddət Suriya xalqını öz vətənini yenidən qurmaq üçün zəruri olan investisiyalardan, layihələrdən və imkanlardan ayıran daha bir divar rolunu oynayırdı. Bu gün daha bir divar uçur; artıq kapital müharibəni, layihələr təcridi əvəz edə bilər və ticarət xaosa qarşı qələbəsini davam etdirə bilər".-deyə paylaşımda qeyd edilir.
Səfirlik vurğulayıb ki, bu məsələ sadəcə bir təsnifatın ləğvi ilə məhdudlaşmır, əksinə ABŞ ilə Suriya arasında qarşılıqlı maraqlara, qarşılıqlı təhlükəsizliyə və ortaq rifaha əsaslanan yeni münasibətlərdə daha bir təməl daşını təmsil edir. Bu, həmçinin ABŞ Prezidentinin 'əvvəlcə təhlükəsizlik, sonra rifah' prinsipinə əsaslanan baxışının real həqiqətə çevrilməsinin daha bir nümunəsidir.
"Vədlər verildi və vədlər yerinə yetirildi. Suriyaya bir şans verildi və indi əsas iş bu şansı daimi sülhə və firavanlığa çevirməkdən ibarətdir".- səfirlik paylaşımını bu sözlərlə yekunlaşdırıb.
Qeyd edək ki, ABŞ Maliyyə Nazirliyinin Xarici Aktivlərə Nəzarət Ofisi dünən, bazar ertəsi günü, Konqresin nəzərdən keçirməsi ilə bağlı hüquqi prosedurların heç bir etiraz qeydə alınmadan tamamlanmasından sonra Suriyanın adının terroru dəstəkləyən dövlətlər siyahısından çıxarıldığını elan etmişdi.