Close Menu
    Digər Xəbərlər

    ABŞ və İsrailin müdaxiləsi BMT çərçivəsində müzakirə olunmalı idi - Fransa

    ABŞ və İsrailin müdaxiləsi BMT çərçivəsində müzakirə olunmalı idi - Fransa
    Bizi buradan izləyin və Bizə yazın

    BAKI, VOA, Nailə Babazadə

    Fransanın xarici işlər naziri Jan-Noel Barro, BMT Təhlükəsizlik Şurasının daimi üzvlərinin veto hüququnun qurumun fəaliyyətini məhdudlaşdırdığını etiraf etsə də, ABŞ və İsrailin İrana qarşı birtərəfli hərbi müdaxiləsini tənqid edib.

    VOA xəbər verir ki, nazir Barro mətbuata açıqlamasında bildirib ki, İran rejimi onilliklərdir nüvə proqramını tənzimləyən və silahlı qruplaşmalara dəstəyi qadağan edən BMT qərarlarına məhəl qoymur. O, bölgədə qalıcı sülhün təməli sayıla biləcək beynəlxalq təsisatlar çərçivəsində bu problemin həll olunmamasını "təəssüf doğuran hal" kimi qiymətləndirib.

    BMT Təhlükəsizlik Şurasındakı veto hüququnun kollektiv fəaliyyəti iflic etdiyini xatırladan nazir, hərbi müdaxilənin legitimliyi məsələsinə toxunub:
    "İsrail və ABŞ tərəfindən birtərəfli qaydada qərara alınan bu müdaxilə, bunun üçün nəzərdə tutulmuş kollektiv platformalarda müzakirə olunmalı idi. Beləliklə, hər kəs öz məsuliyyətini üzərinə götürə bilərdi. Güc tətbiqinin zəruri legitimlik qazanması yalnız onun Təhlükəsizlik Şurasında müzakirə edilməsi ilə mümkündür".

    Barro İranın hücumlarını dayandırmalı və ciddi güzəştlərə getməli olduğunu vurğulayıb. Eyni zamanda, o xəbərdarlıq edib ki, aydın hədəf olmadan hərbi əməliyyatların qeyri-müəyyən müddətə uzadılması regionu uzunmüddətli qeyri-sabitliyə sürükləyə bilər.

    İranın cavab zərbələrinin hədəfi olan Körfəz ölkələri ilə tam həmrəylik içində olduqlarını bildirən nazir, Fransanın bu ölkələrin müdafiəsində iştirak etməyə "hazır" olduğunu bəyan edib. O qeyd edib ki, hazırda Körfəz regionunda 400 minə yaxın Fransa vətəndaşı yaşayır və Parisin prioriteti onların təhlükəsizliyini təmin etməkdir.

    Livanın suverenliyinə və sabitliyinə sadiqliyini ifadə edən Barro, "Hizbullah"dan əməliyyatları dərhal dayandırmağı tələb edib. O, həmçinin gələn ay Parisdə Livan silahlı qüvvələrinə dəstək məqsədilə beynəlxalq konfransın keçiriləcəyini xatırladıb.

    Oxşar Xəbərər

    © 2026 Azervoice.