BAKI, AzerVoice
Qəzzada uşaqlar aclıqdan həyatını itirirlər.
AzerVoice xəbər verir ki, BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini Qəzzada humanitar fəlakət barədə ciddi xəbərdarlıq edib.
Lazzarini bildirib ki, İsrail hökumətinin ərzaq və digər əsas ehtiyac mallarının Qəzzaya girişini iki aya yaxındır məhdudlaşdırması nəticəsində uşaqlar aclıqdan həyatını itirir. O, yaranmış vəziyyəti “siyasi səbəblərlə insan tərəfindən yaradılmış aclıq” adlandırıb və beynəlxalq ictimaiyyəti təcili tədbirlər görməyə çağırıb.
Qeyd edək ki, Qəzza zolağı uzun müddətdir davam edən mühasirə və silahlı qarşıdurmalar səbəbindən ciddi humanitar böhran yaşayır. BMT və digər beynəlxalq təşkilatlar bölgəyə yardım girişinin bərpası üçün çağırışlarını davam etdirirlər.