BAKI, AzerVoice, Fərid Mikayılov

İran İslam İnqilabı Keşikçiləri Korpusunun (SEPAH) komandir müavini general Əli Fədəvi bəyan edib ki, ölkənin Silahlı Qüvvələri hər cür təhdidə qarşı tam hazırlıq vəziyyətindədir və düşməni məğlub etmək gücünə malikdir.

AzerVoice xəbər verir ki, Məşhəddə keçirilən tədbirdə çıxış edən Fədəvi, İran ordusunun təcrübəli və peşəkar olduğunu vurğulayıb.

“Silahlı Qüvvələrimiz düşmənin hər cür plan və təhdidlərinə cavab vermək üçün kifayət qədər bacarıq və gücə sahibdir” – deyə o bildirib.

O, “qlobal təkəbbür” adlandırdığı qüvvələrin inqilabdan bəri İrana qarşı müxtəlif təxribatlar həyata keçirdiyini xatırladıb və bunun yeni hal olmadığını qeyd edib.

Fədəvi, 13–24 iyun tarixlərində İsrailin İrana qarşı həyata keçirdiyi genişmiqyaslı hücumlara da toxunaraq, ABŞ-ın da bu əməliyyatlara qoşulduğunu bildirib. Onun sözlərinə görə, İranın üç əsas nüvə obyektinə zərbələr endirilsə də, düşmən öz məqsədlərinə nail ola bilməyib:

“Bu müharibə çətin idi və biz itkilər verdik, amma düşmən hədəflərinə çata bilmədi. İsrail sonda birtərəfli qaydada hücumlarını dayandırmağa məcbur oldu”- deyə o vurğulayıb