BAKI,VOA,Yusif Şərifzadə

ABŞ Milli Nəqliyyat Təhlükəsizliyi Şurası (NTSB) Ryanair aviaşirkətinə məxsus Boeing 737 NG təyyarəsində baş vermiş insidentlə bağlı araşdırmada təyyarənin yaşı və texniki xidmət vəziyyətinin mümkün səbəblər sırasında qalmaqda davam etdiyini açıqlayıb.

VOA xəbər verir ki, NTSB bununla Ryanair-in baş icraçı direktoru Maykl O'Lirinin daha əvvəl səsləndirdiyi fikirləri təkzib edib.

O'Liri bazar ertəsi bildirmişdi ki, ilkin araşdırma nəticələrinə əsasən, hadisəyə səbəb "kənar cismin vurduğu zədə" olub və bunun təyyarənin yaşı və ya texniki xidmət vəziyyəti ilə əlaqəsi yoxdur.

Lakin NTSB sədri Cennifer Homendi Ryanair rəhbərinə ünvanladığı məktubda bildirib ki, istintaq belə bir nəticəyə gəlməyib.

"NTSB belə bir qərar qəbul etməyib", – deyə Homendi vurğulayıb. O əlavə edib ki, O'Lirinin açıqlamaları istintaqda iştirak edən tərəflərin məlumat yayımı ilə bağlı agentliyin qaydalarını pozur.

Hadisə zamanı sərnişinlərdən biri Boeing 737 NG təyyarəsinin sınmış pəncərəsindən qismən bayıra sovrulmuşdu. Hadisənin səbəbləri ilə bağlı araşdırma davam edir.

Ryanair isə NTSB-nin son açıqlamasına hələlik münasibət bildirməyib.