BAKI, AzerVoice
Tehran ABŞ-la nəzərdə tutulan danışıqlara real imkan kimi baxır.
AzerVoice xəbər verir ki, bu haqda İran Xarici İşlər Nazirliyinin sözçüsü İsmayıl Bəqainin "X" sosial şəbəkəsində verdiyi açıqlamada deyilir.
“Diplomatiyaya xoş niyyətlə və tam ayıqlıqla həqiqi bir fürsət verəcəyik. Amerika bu qərarı, onun düşmənçi ritorikasına baxmayaraq verildiyi üçün, qiymətləndirməlidir” - deyə, açıqlamada bildirilib.
Xatırladaq ki, daha əvvəl ABŞ Prezidenti Donald Tramp gözlənilmədən bəyan edib ki, Vaşinqton və Tehran şənbə günü Oman Sultanlığında İranın nüvə proqramı ilə bağlı birbaşa danışıqlara başlamaq üzrədir. O, xəbərdarlıq edib ki, əgər danışıqlar uğursuz olarsa, Tehran böyük bir təhlükə ilə üzləşəcək.
Bu açıqlama bir qədər qarışıqlığa səbəb olub, çünki İran danışıqların dolayı yolla aparılacağını və Oman tərəfinin vasitəçi rolunu oynayacağını bildirib.