BAKI,VOA,Yusif Şərifzadə
İran Xarici İşlər Nazirliyi yaxın günlərdə ABŞ nümayəndələri ilə Qətərdə hər hansı görüşün keçirilməsinin planlaşdırılmadığını açıqlayıb.
VOA xəbər verir ki, bu barədə İran Xarici İşlər Nazirliyinin sözçüsü İsmayıl Bəqai məlumat verib.
Onun sözlərinə görə, ABŞ ilə danışıqlara cavabdeh olan İran nümayəndə heyəti Dohaya səfər edəcək. Lakin səfərin əsas məqsədi Vaşinqton və Tehran arasında imzalanmış anlaşma memorandumunun müddəalarının icrasını izləməkdir.
İsmayıl Bəqai bildirib ki, nümayəndə heyəti memorandumun həyata keçirilməsi ilə bağlı məsələləri müzakirə edəcək və səfər ABŞ ilə yeni danışıqların keçirilməsi məqsədi daşımır.
Xarici İşlər Nazirliyi əlavə edib ki, ABŞ nümayəndələrinin Qətərə mümkün səfərinin İran nümayəndə heyətinin səfəri ilə heç bir əlaqəsi yoxdur.
Rəsmi Tehran bunun iki ayrı proqram olduğunu və onların bir-biri ilə əlaqələndirilməsinin düzgün olmadığını vurğulayıb.