BAKI,VOA,Yusif Şərifzadə
İranın aparıcı rəsmiləri parlament sədri Məhəmməd Baqir Qalibaf və xarici işlər naziri Abbas Əraqçi Hörmüz boğazının idarə olunması ilə bağlı danışıqlar aparmaq üçün Omana səfər ediblər.
VOA xəbər verir ki, bu barədə Qalibaf öz “Telegram” hesabında məlumat yayıb.
Onun sözlərinə görə, səfərin əsas məqsədi Hörmüz boğazının idarə olunması üzrə İran daxilində qəbul edilmiş mexanizmlərin gücləndirilməsi və Omanla koordinasiyanın artırılmasıdır.
Rəsmi Tehran bölgədə strateji əhəmiyyət daşıyan su yolunun təhlükəsiz idarə olunmasına dair ikitərəfli əməkdaşlığı genişləndirməyi hədəfləyir.
Hörmüz boğazı dünya enerji daşımalarının əsas marşrutlarından biri olduğu üçün bu müzakirələr beynəlxalq diqqət mərkəzində qalır.