BAKI,VOA

ABŞ Prezidenti Donald Tramp İrana qarşı ritorikasını ən yüksək həddə çatdıraraq, Tehranın nüvə və regional ambisiyalarına qarşı "total məhv" hədəsi ilə çıxış edib.

VOA xəbər verir ki, Prezident eyni zamanda İrana hərbi dəstək verə biləcək tərəfləri, xüsusilə Çini ağır iqtisadi bədəllərlə xəbərdar edib.

Prezident Tramp İranla davam edən gərginlik və dayandırılmış danışıqlar barədə danışarkən, ABŞ-ın güzəştsiz mövqeyini bu sözlərlə ifadə edib:
"Mən hər şeyi istədiyimi demişəm; 90% və ya 95% deyil, məhz hər şeyi istəyirəm. Çünki İranın əlində heç bir danışıq kartı yoxdur."-deyə o bildirib.
Trampın ən şok yaradan bəyanatı isə İran xalqı və dövlətinin gələcəyi ilə bağlı olub.

O, Tehranın geri çəkilməyəcəyi təqdirdə tətbiq olunacaq gücün miqyasına toxunaraq
"Bütün İran sivilizasiyasının ölümünə (yox olmasına) dair hədə-qorxu gəlmək mənim üçün heç bir problem yaratmır."-deyib.

Çinə xəbərdarlıq: 50%-lik rüsum təhlükəsi

Pekinin Tehrana mümkün hərbi yardımı barədə sualı cavablandıran Tramp, Çini iqtisadi sanksiyalarla təhdid edib.

"Çinin İrana silah verəcəyinə inanmıram, lakin əgər belə bir addım atsalar, onlara qarşı 50%-lik gömrük rüsumu tətbiq edəcəyik."-deyə Tramp bildirib.
Bütün bu sərtliyə baxmayaraq, Prezident danışıqlar masasının hələ də açıq olduğunu və Tehranın çıxılmaz vəziyyətdə qaldığını qeyd edib.
"İranlılar danışıqlar masasını tərk etməyiblər. Gözləyirəm ki, onlar geri qayıdacaqlar və bizə istədiyimiz hər şeyi verəcəklər."-deyə ABŞ prezidenti qeyd edib.