BAKI,VOA
ABŞ Dövlət katibi Marko Rubio "Fox News" telekanalına verdiyi müsahibəsində NATO ilə bağlı sərt xəbərdarlıqlarını bir daha dilə gətirib. VOA xəbər verir ki, Dövlət katibi bəyan edib ki, İranla müharibə başa çatdıqdan sonra Birləşmiş Ştatlar Şimali Atlantika Alyansı (NATO) ilə münasibətlərini "yenidən nəzərdən keçirməli" olacaq.
"Hesab edirəm ki, təəssüf ki, bu münaqişə başa çatdıqdan sonra həmin münasibətləri yenidən nəzərdən keçirməli olacağımıza heç bir şübhə yoxdur. Biz NATO-nun bu ittifaqdakı dəyərini ölkəmiz üçün yenidən təhlil etməli olacağıq" – deyə Rubio bildirib.
Dövlət katibi əlavə edib ki, bu məsələdə son qərarı vermək səlahiyyəti Prezident Trampa məxsusdur.
Marko Rubionun bu şərhləri Prezident Donald Trampın ABŞ və İsrailin İrana qarşı apardığı müharibəyə qoşulmaqdan imtina edən NATO tərəfdaşlarını kəskin şəkildə tənqid etməyə davam etdiyi bir vaxta təsadüf edir.