BAKI, AzerVoice, Nailə Babazadə
Oktyabrın 2-də Marmara Dənizinin açıq sularında 5 bal gücündə zəlzələ baş verib. Zəlzələ Tekirdağ şəhər mərkəzi və rayonlarında, həmçinin İstanbul və ətraf əyalətlərdə hiss olunub.
AzerVoice xəbər verir ki, Türkiyə Daxili İşlər Naziri Ali Yerlikaya zəlzələ ilə bağlı sosial şəbəkədə, açıqlamasında bildirib ki,Türkiyə Fəlakət və Təcili Vəziyyətlər İdarəsi (AFAD) və əlaqədar qurumların bütün briqadaları sahə yoxlamalarına başlayıb.
“Tekirdağ, Marmaraereğlisi bölgəsində 5 bal gücündə zəlzələ baş verib. İstanbul və ətraf əyalətlərdə də hiss olunan zəlzələ ilə bağlı AFAD və əlaqədar qurumlarımızın bütün briqadaları sahə yoxlamalarına başlayıb. Zəlzələdən təsirlənmiş vətəndaşlarımıza şəfa diləyirəm. Allah ölkəmizi və millətimizi fəlakətlərdən qorusun.” - deyə paylaşımda qeyd edilir.
Hazırda bölgədə təhlükəsizlik tədbirləri görülür və zərər qiymətləndirmələri davam edir.