BAKI,VOA, Fərid Mikayılov

Venesuelada baş verən iki güclü zəlzələ nəticəsində ölənlərin sayı 589 nəfərə, yaralananların sayı isə 2 980 nəfərə yüksəlib.

VOA xəbər verir ki, bu barədə Venesuelanın müvəqqəti prezidenti Delsi Rodriqes açıqlama verib.

O bildirib ki, axtarış-xilasetmə işləri davam etdirilir. “Dağıntılar altında qalanları xilas edəcəyik. Bunun üçün fasiləsiz çalışırıq”, - deyə Rodriqes qeyd edib.

Müvəqqəti prezident zəlzələlərdən ən çox zərər çəkən bölgənin La Guaira ştatı olduğunu bildirib. Onun sözlərinə görə, ərazidə xilasetmə əməliyyatlarının sürətləndirilməsi, eləcə də ərzaq və su təminatının təşkili üçün təhlükəsizlik qüvvələri bölgəyə göndərilib.

Qeyd edək ki, ABŞ Geoloji Xidməti (USGS) Venesuelada 39 saniyə ara ilə 7,2 və 7,5 maqnitudalı iki güclü zəlzələ qeydə alındığını açıqlamışdı. Zəlzələlərin episentrlərinin Yaracuy ştatında yerləşən Yumare və San Felipe şəhərləri yaxınlığında olduğu bildirilib.

Axtarış-xilasetmə əməliyyatları davam etdiyi üçün ölən və yaralananların sayının daha da arta biləcəyi ehtimal olunur.