BAKI,AzerVoice, Fərid Mikayılov
Türkiyə xarici işlər naziri Hakan Fidan İordaniya xarici işlər naziri Ayman Safadi ilə telefon danışığı gerçəkləşdirib.
AzerVoice xəbər verir ki, Türkiyə XİN-dən verilən məlumata görə, danışıqlarda Fələstin məsələsi və Qəzzadakı humanitar vəziyyət əsas müzakirə mövzusu olub.
Tərəflər bölgədə davam edən böhranın dərinləşməsinin qarşısını almaq üçün beynəlxalq səylərin vacibliyini vurğulayıblar.
Nazirlər, həmçinin Suriyanın cənubundakı son inkişafları da dəyərləndiriblər. Görüşdə regional sabitlik və təhlükəsizliyin təmin olunması istiqamətində əməkdaşlığın əhəmiyyəti bir daha diqqətə çatdırılıb.