BAKI,VOA Orxan Qədirzadə
Beynəlxalq hərbi analiz qurumu Global Firepower tərəfindən açıqlanan 2026-cı ilin dünyanın ən güclü xüsusi təyinatlı qüvvələri reytinqində Türkiyə Silahlı Qüvvələrinin Bordo Berelilər xüsusi təyinatlı bölməsi dördüncü sırada yer alıb.
Hesabata əsasən, Bordo Berelilər sərhədyanı əməliyyatlar, girovların azad edilməsi və terrorla mübarizə sahəsində nümayiş etdirdiyi əməliyyat imkanları ilə dünyanın ən güclü xüsusi təyinatlı qüvvələri sırasında ön sıralarda qərarlaşıb.
Reytinqdə ilk üçlükdə ABŞ-ın Navy SEALs & Delta Force, Böyük Britaniyanın SAS & SBS və Rusiyanın Spetsnaz xüsusi təyinatlı bölmələri yer alıb.
Global Firepower-ın açıqladığı ilk 10-luq belədir:
ABŞ – Navy SEALs & Delta Force
Böyük Britaniya – SAS & SBS
Rusiya – Spetsnaz
Türkiyə – Bordo Berelilər
İsrail – Shayetet 13
Fransa – GIGN
Kanada – JTF2
Almaniya – GSG 9
Hindistan – NSG (Qara Pişiklər)
Avstraliya – SASR
Məlumata görə, Bordo Berelilər xüsusilə Suriya və İraqda həyata keçirilən terrorla mübarizə əməliyyatlarında qazandığı təcrübə, yüksək hazırlıq səviyyəsi və mürəkkəb şəraitdə icra etdiyi tapşırıqlarla fərqlənir.
Global Firepower reytinqində 25 ölkənin xüsusi təyinatlı bölmələri əməliyyat imkanları, hazırlıq səviyyəsi, müxtəlif mühitlərdə fəaliyyət qabiliyyəti və beynəlxalq missiyalarda iştirak kimi meyarlar əsasında qiymətləndirilib.