BAKI,AzerVoice

Milli Məclis “Türk Dövlətləri Təşkilatına üzv dövlətlərin hökumətləri arasında rəqəmsal iqtisadiyyat üzrə tərəfdaşlıq Sazişi”ni ratifikasiya edib.

AzerVoice xəbər verir ki, məsələ Milli Məclisin bu gün keçirilən plenar iclasında müzakirə edilib.

“Türk Dövlətləri Təşkilatına üzv dövlətlərin hökumətləri arasında rəqəmsal iqtisadiyyat üzrə tərəfdaşlıq Sazişi”nin təsdiq edilməsi haqqında qanun layihəsi səsə qoyularaq bir oxunuşda təsdiqlənib.

Məlumat üçün bildirək ki, rəqəmsal iqtisadiyyat üzrə tərəfdaşlıq Sazişi Türk Dövlətləri Təşkilatına (TDT) üzv ölkələr arasında rəqəmsal iqtisadiyyat və elektron ticarət sahəsində əməkdaşlığı gücləndirmək məqsədilə imzalanmış beynəlxalq sənəddir. Saziş 6 noyabr 2024-cü il tarixində Qırğızıstanın paytaxtı Bişkek şəhərində keçirilən TDT-nin 11-ci Zirvə Görüşündə imzalanıb. Sənədin tərəfləri TDT-nin bütün üzv dövlətləridir - Azərbaycan, Qazaxıstan, Qırğızıstan, Türkiyə və Özbəkistan hökumətləri.

Sazişin məqsədi üzv ölkələr arasında rəqəmsal iqtisadiyyatı inkişaf etdirmək, elektron ticarət və rəqəmsal xidmətləri asanlaşdırmaq, müasir texnologiyaların tətbiqini genişləndirmək və biznes mühiti üçün daha əlverişli şərait yaratmaqdır. Ümumilikdə saziş türk dünyasında rəqəmsal inteqrasiyanı artırmaq və texnoloji əməkdaşlığı genişləndirmək üçün strateji bir addımdır.

Saziş çərçivəsində tərəflər aşağıdakı istiqamətlər üzrə əməkdaşlıq etməyi öhdəsinə götürürlər:

Elektron ticarətin inkişafı - Üzv dövlətlər arasında rəqəmsal ticarətin genişləndirilməsi, elektron bazarların yaradılması və e-ticaret sahəsində tənzimləyici çərçivənin uyğunlaşdırılması;
Gömrük və logistika - Sərhədlərarası ticarət proseslərinin sürətləndirilməsi, ekspres yük daşımalarının asanlaşdınıması və rəqəmsal ticarət üçün gömrük prosedurlarının optimallaşdırılması;
Maliyyə texnologiyaları və rəqəmsal ödənişlər - FinTech sahəsində əməkdaşlıq, elektron ödəniş sistemlərinin inteqrasiyası və yeni rəqəmsal maliyyə xidmətlərinin inkişaf etdirilməsi;
Kiçik və orta biznesin dəstəklənməsi - KOB-ların rəqəmsal bazara çıxışını asanlaşdırmaq, onların onlayn ticarət imkanlarını genişləndirmək və bizneslərin rəqəmsallaşmasını sürətləndirmək;
İstehlakçı hüquqlarının qorunması - Elektron ticarət sahəsində istehlakçıların hüquqlanını müdafiə etmək, fırıldaqçılığın və yalançı reklamlaın qarşısını almaq, istehlakçı məlumatlannın qorunmasını təmin etmək;
Kibertəhlükəsizlik və məlumat mübadiləsi - Rəqəmsal infrastrukturun təhlükəsizliyini artırmaq, kibertəhlükəsizlik sahəsində əməkdaşlığı genişləndirmək və məlumatlann qorunması üçün ortaq standartlar müəyyənləşdirmək;
Elektron imzalar və hüquqi uyğunlaşma - Rəqəmsal sənədlərin və elektron imzaların üzv dövlətlər arasında qarşılıqlı tanınmasını təmin etmək və hüquqi bazanı uyğunlaşdırmaq.