Dövlətlər, xüsusilə də böyük dövlətlər bir-birinə etimadını itirib və bu da BMT-nin, onun institutlarının fəaliyyətinə mənfi təsir göstərir. Qazaxıstan KİV-ə görə, bunu Qazaxıstan Prezidenti Kasım-Jomart Tokayev Kurultayın (təkpalatalı parlamentin - red) açılış sessiyasında etdiyi çıxışda bildirib.

Özbəkistan Respublikasına işgüzar səfəri çərçivəsində Türk Mədəniyyəti və İrsi Fondunun Prezidenti, professor Aktotı Raimkulova Qazaxıstan Respublikasının Özbəkistan Respublikasında yeni təyin olunmuş Fövqəladə və Səlahiyyətli səfiri cənab Yerali Tuğjanov ilə görüşüb.

Qazaxıstanda Kurultay deputatlarının seçkilərində səsvermə başa çatıb. Ölkə üzrə seçici fəallığı 74,19 faiz təşkil edib. Mərkəzi Seçki Komissiyasının məlumatına görə, “ölkə üzrə saat 20:00-a 9 352 151 seçici bülleten alıb ki, bu da seçici siyahılarına daxil edilmiş seçicilərin ümumi sayının 74,19 faizini təşkil edir”.

Qazaxıstan və Azərbaycan strateji tərəfdaşlığın genişləndirilməsi məsələlərini müzakirə ediblər. Danışıqlar Yermeq Köşerbayev və Azərbaycanın Qazaxıstandakı səfiri Əlimirzamin Əsgərov arasında keçirilib. Tərəflər Transxəzər Beynəlxalq Nəqliyyat Marşrutunun inkişafına xüsusi diqqət yetiriblər. Qazaxıstan Azərbaycanı bu nəqliyyat xəttinin inkişafında əsas tərəfdaşlarından biri hesab edir. Görüşdə ikitərəfli ticarətin artırılması və xammaldan kənar ixracın genişləndirilməsi imkanları nəzərdən keçirilib. Sənaye əməkdaşlığı və qarşılıqlı sərmayələrin artırılması da müzakirə olunub. Tərəflər beynəlxalq təşkilatlar çərçivəsində əməkdaşlığın davam etdirilməsinin vacibliyini vurğulayıblar. Bakı və Astana strateji tərəfdaşlıq və müttəfiqlik münasibətlərini daha da möhkəmləndirmək niyyətindədirlər.

Tacikistan İrandan 2,55 milyon ton neft və neft məhsulları almaq istəyir. Müraciətə 2 milyon ton xam neft daxildir. Düşənbə həmçinin 150 min ton benzin və 300 min ton dizel yanacağı almağı planlaşdırır. İrandan alınması nəzərdə tutulan təyyarə yanacağının həcmi isə 100 min tondur. Tacikistan neft məhsullarına olan tələbatının təxminən 80 faizini hazırda Rusiyadan təmin edir. Rusiyada yaranan yanacaq çatışmazlığı Düşənbəni yeni tədarük mənbələri axtarmağa sövq edib. Tacikistan Qazaxıstan, Türkmənistan, İran, İraq və Belarusla əlavə tədarük imkanlarını müzakirə edir. ABŞ-nin İrana qarşı iqtisadi təzyiq siyasətinin Tacikistanın planlarına necə təsir edəcəyi hələlik məlum deyil.

Bakıda Azərbaycan və Qazaxıstan Müdafiə nazirliklərinin nümayəndələri arasında qərargah danışıqları keçirilib. Görüş Azərbaycan Müdafiə Nazirliyinin Beynəlxalq Hərbi Əməkdaşlıq İdarəsində baş tutub. Tərəflər iki ölkə arasında hərbi əməkdaşlığın mövcud vəziyyətini müzakirə ediblər. Danışıqlarda əməkdaşlığın gələcək inkişaf imkanlarına xüsusi diqqət yetirilib. Qarşılıqlı maraq doğuran digər məsələlər ətrafında da fikir mübadiləsi aparılıb. Görüş zamanı 2027-ci il üçün ikitərəfli hərbi əməkdaşlıq planının layihəsinə baxılıb. Tərəfləri maraqlandıran suallar cavablandırılıb. Danışıqlar Azərbaycan–Qazaxıstan hərbi əlaqələrinin gələcək istiqamətlərinin müəyyənləşdirilməsi baxımından əhəmiyyət daşıyır.

Kasım-Jomart Tokayev Əlimirzamin Əsgərovun etimadnaməsini qəbul edib

Qazaxıstan Xəzər dənizinin monitorinqi üçün avadanlıqların alınmasına və ixtisaslaşdırılmış laboratoriyaların təchiz edilməsinə dövlət ehtiyatından təxminən 2,36 milyon dollar ayırıb. 2026-cı ildə Xəzərin Qazaxıstan sektorunda hidrologiya, kimyəvi və bioloji göstəricilər də daxil olmaqla 50 parametr üzrə monitorinq aparılır. 21 stansiyanı əhatə edən iki dəniz ekspedisiyasının keçirilməsi, eləcə də sahilyanı 22 məntəqədə müntəzəm müşahidələrin aparılması planlaşdırılır.

Qazaxıstan Prezidenti Kasım-Jomart Tokayev Ukrayna müharibəsinin dondurulmasını təklif edib. O bildirib ki, tərəflər danışıqları bərpa etsələr, sülhə nail olmaq mümkün ola bilər. Tokayev bu fikirləri Vladimir Putinlə birlikdə iştirak etdiyi forumda səsləndirib. O, böyük dövlətlərin təhlükəsizlik zəmanətlərinin vacibliyini vurğulayıb. Rusiya və Ukrayna daha əvvəl 2022 və 2025-ci illərdə İstanbulda danışıqlar aparsalar da, nəticə əldə olunmayıb. Tokayev münaqişənin başa çatmasının zəruri olduğunu bildirib. Ukrayna tərəfi açıqlamaya hələlik münasibət bildirməyib.

Rusiyanın bəzi regionlarında yanacaq çatışmazlığı davam edir. Baş nazirin müavini Aleksandr Novak ən çətin vəziyyətin Sibirin bəzi bölgələrində olduğunu bildirib. Hakimiyyət daxili bazarı sabitləşdirmək üçün bir sıra tədbirlər həyata keçirir. Benzin ixracına qoyulan qadağa ilin sonunadək uzadılacaq. Dizel yanacağının ixracına tətbiq olunan məhdudiyyət isə bazar bərpa olunduqca aradan qaldırılacaq. Novak ehtiyac yaranacağı halda Qazaxıstanın Rusiyaya əlavə neft məhsulları göndərə biləcəyini deyib. Qazaxıstan artıq iyul ayında Rusiyaya ilk benzin partiyasını ixrac edib.

Təqdimat zamanı səmaya şaquli qalxma və enmə imkanına malik (eVTOL) tam elektrikli “AutoFlight Prosperity” hava gəmisi qalxacaq. Uçuş zamanı 1 pilot və 5 sərnişin üçün nəzərdə tutulmuş bu müasir model saatda 200 km/saat sürət toplamaq və 200 kilometrə qədər məsafə qət etmək gücünə malikdir. Təşkilatçılar qeyd edirlər ki, əlverişsiz hava şəraiti yaranarsa, uçuşun tarixi və vaxtı dəyişdirilə bilər.

Hazırda Yaxın Şərqdə hansı ölkələrdə neçə nəfər azərbaycanlının repatriasiyanı gözlədiyi maraq doğurur