İsrail Ali Məhkəməsi ultraortodoks yəhudilərin həbsini məhdudlaşdıran qanunun icrasını dayandırıb. Qanun hərbi xidmət yaşında olan dini təhsil müəssisələrinin tələbələrinin noyabrın 30-dək həbs olunmamasını nəzərdə tuturdu. Məhkəmə bu sənədin yalnız əhalinin müəyyən bir hissəsinə şamil edildiyini əsas gətirərək onun tətbiqini dayandırıb. Bildirilib ki, qanunla bağlı şikayətlərə qısa müddətdə baxılacaq. Ultraortodoks icmasının rəhbərləri uzun illərdir məcburi hərbi xidmətə qarşı çıxırlar. Onlar bunun dini təhsilə və icmanın həyat tərzinə zərər vurduğunu bildirirlər. Məsələ İsraildə siyasi və hüquqi müzakirələrin əsas mövzularından biri olaraq qalır. Qərarın seçkilər öncəsi siyasi proseslərə də təsir göstərə biləcəyi qeyd olunur.

Azərbaycan Respublikasının Mülki Məcəlləsində, Azərbaycan Respublikasının Ticarət Gəmiçiliyi Məcəlləsində, “Nəqliyyat haqqında” və “Avtomobil nəqliyyatı haqqında” Azərbaycan Respublikasının qanunlarında dəyişiklik edilib. Bununla bağlı Prezident İlham Əliyev Qanun imzalayıb.

Quba 1 saylı MT-nın 2025-ci il ərzində həyata keçirdiyi fəaliyyətlər, əldə olunan nailiyyətlər və görülən işlərin nəticələri bu hesabatda əksini tapmışdır. Hesabat müəssisənin inkişaf dinamikasını, qarşıya qoyulan məqsədlərin icra səviyyəsini və gələcək perspektivləri əhatə edir.

"Azərbaycan Respublikasının daxili qoşunları haqqında" Qanun Azərbaycanın konstitusiya quruluşu, suverenliyi, habelə ictimai qayda və ictimai təhlükəsizliyin qorunması sahəsində Azərbaycan daxili qoşunlarının (bundan sonra – daxili qoşunlar) fəaliyyəti, hüquq və vəzifələri, həmçinin daxili qoşunların idarə olunmasının hüquqi əsaslarını müəyyən edəcək.

Ukraynada Prezident Volodimir Zelenskinin imzaladığı və Milli Korrupsiyaya Qarşı Mübarizə Bürosu (NABU) ilə Xüsusi Korrupsiya Prokurorluğunun (SAP) müstəqilliyini faktiki olaraq aradan qaldıran qanun səbəbilə etiraz aksiyaları yenidən başlayıb.

Ukrayna Prezidenti Volodimir Zelenski, çoxsaylı vətəndaşlığın leqallaşdırılmasına dair qanunu imzaladığını və bu sistemin tətbiq olunacağı ölkələrin siyahısının hazırlanmasına göstəriş verdiyini açıqlayıb.