İsrail Livanın müxtəlif bölgələrinə yeni hava və pilotsuz aparat hücumları həyata keçirib. Hücumlar nəticəsində azı iki nəfər ölüb, bir neçə nəfər yaralanıb. Zərbələr yaşayış məntəqələri, yollar və hərbi obyektlərə yaxın əraziləri əhatə edib. Son hadisələr bölgədə gərginliyin daha da yüksəlməsi riskini artırır.

Yaxın Şərqdə artan gərginliyin qarşısının alınması məqsədilə diplomatik təmaslar sürətlənib. İran Xarici İşlər Nazirliyi şənbə günü açıqlayıb ki, İran Prezidenti Məsud Pezeşkian Tehranda Pakistan ordusunun komandanı Asim Münir ilə görüş keçirib. Görüş region ölkələri ilə gərginliyin azaldılması istiqamətində intensiv məsləhətləşmələrin aparıldığı bir vaxta təsadüf edib.

İsrail ordusu Livan ərazisindən buraxıldığı bildirilən iki şübhəli hava hədəfinin ölkənin şimalında hava hücumundan müdafiə sistemləri vasitəsilə zərərsizləşdirildiyini açıqlayıb. Hadisədən sonra sərhəd bölgələrində xəbərdarlıq siqnalları işə düşüb. Hazırda naməlum uçan obyektlərin mənşəyi və məqsədi ilə bağlı araşdırmalar davam edir.

Hizbullah Livanın cənubundakı Odaisseh qəsəbəsində İsrailə məxsus hərbi texnikanın pilotsuz uçuş aparatı ilə hədəfə alındığını bildirib. İsrail ordusu isə sərhəd bölgəsində şübhəli hava hədəflərinin aşkar edildiyini və bəzi obyektlərə zərbələrin dəydiyini açıqlayıb. Hadisənin nəticələri ilə bağlı hələlik əlavə məlumat verilməyib.

20 May tarixi dünya tarixində bir sıra önəmli hadisələrlə yadda qalıb. Aşağıda bu gün baş vermiş əsas hadisələrin xronoloji xülasəsini təqdim edirik:

Fələstin Xarici İşlər Nazirliyi İsrailin Şərqi Qüdsdə UNRWA qərargahını ələ keçirmə planını pisləyib, bunu beynəlxalq hüquqa təhlükə və “təhlükəli presedent” adlandırıb. Layihə “muzey tikintisi” adı altında həyata keçirilir və İsrail agentliyin diplomatik toxunulmazlığını ləğv edib.

İsrail ordusu tədricən “Sarı Xətt”i irəli çəkərək Qəzzada fələstinlilərin yaşayış sahələrini daraldır. Son həftələrdə mülki obyektlərə hücumlar gündəlik xarakter alıb; son 24 saatda 8 nəfər ölüb, onlarla insan yaralanıb.

İsrail ordusu son iki gün ərzində Livanın cənubunda Hizbullahla əlaqəli olduğu iddia edilən 100 obyektin hədəfə alındığını açıqlayıb. Məlumata görə, hücumlar atəşkəsin uzadılması ilə bağlı danışıqlar fonunda həyata keçirilib.

İsrail Müdafiə Qüvvələrinin sözçüsü Avixay Adrai Livanın Sur şəhərində bir neçə binanın yerləşdiyi ərazi üçün köçürülmə xəbərdarlığı yayıb. İsrail tərəfi həmin binaların Hizbullah tərəfindən istifadə edildiyini iddia edib və sakinlərdən ərazini tərk etməyi tələb edib.

İsrail Müdafiə Qüvvələri Qəzza zolağında həyata keçirilən hava zərbəsində HƏMAS-ın yüksək rütbəli komandirlərindən biri olan İzzəddin əl-Haddadini hədəf aldığını bildirib. Hücumdan sonra onun vəziyyəti ilə bağlı rəsmi məlumat açıqlanmayıb.

15 May tarixi dünya tarixində bir sıra önəmli hadisələrlə yadda qalıb. Aşağıda bu gün baş vermiş əsas hadisələrin xronoloji xülasəsini təqdim edirik:

ABŞ-ın paytaxtı Vaşinqtonda bu gün Livan və İsrail arasında yeni danışıqlar raundu keçirilir. ABŞ vasitəçiliyi ilə baş tutan görüşlər İsrailin Livana qarşı həyata keçirdiyi genişmiqyaslı hücumlardan cəmi bir gün sonraya təsadüf edir. Son hücumlar nəticəsində azı 22 nəfər, o cümlədən 8 uşaq həyatını itirib. İsrail ordusunun endirdiyi zərbələr Livanın cənubundakı yaşayış məntəqələrini, avtomobilləri və Beyrutla ölkənin cənubunu birləşdirən sahil yolunu hədəfə alıb. Gərginliyin artması ötən ilin aprel ayında ABŞ-ın vasitəçiliyi ilə əldə olunmuş atəşkəs razılaşmasına baxmayaraq baş verir. İsrail ordusu bildirib ki, əməliyyatlar zamanı “Hizbullaha məxsus silah anbarları, raket qurğuları və hərbi infrastruktur” vurulub. Buna cavab olaraq Hizbullah İsrail qüvvələrinin Həddəta yaşayış məntəqəsi istiqamətində irəliləməsinin qarşısını aldıqlarını, həmçinin İsrail hərbi mövqelərinə raket və pilotsuz uçuş aparatları ilə zərbələr endirdiklərini açıqlayıb.

İsrail ordusu, İranın dəstəklədiyi Livan qrupu Hizbullanı “terror planları” hazırlamaqda ittiham edib. Bəyanat, İsrailin Livanın cənubunda quru əməliyyatlarını davam etdirdiyi, bombardmanlar həyata keçirdiyi və əraziləri ələ keçirdiyi bir vaxtda yayıldı. İsrail ordusunun iddiasına görə, Hizbullah İsrail əsgərlərinə və hərbi texnikasına qarşı raket hücumları həyata keçirib, lakin itkilər barədə məlumat verilməyib.

İsrailin oktyabr 2023-dən etibarən Qəzzaya etdiyi hücumlar nəticəsində ümumilikdə 72 min 742 nəfər ölüb, yaralıların sayı isə 172 min 565-ə çatıb. Atəşkəsə baxmayaraq, İsrail ordusu Qəzza Zolağını hədəf almağa davam edir. 10 oktyabr 2025-ci ildən qüvvəyə minən ateşkəsdən sonra İsrailin hücumlarında 856 nəfər ölüb, 2 min 463 nəfər yaralanıb, 770 nəfərin cansız bədəni isə dağıntılar altından çıxarılıb.

İsrail ordusu Livan sərhədi yaxınlığında “Hizbullah”a məxsus pilotsuz uçuş aparatının partlaması nəticəsində üç israilli hərbçinin yaralandığını açıqlayıb. Yaralananlardan birinin vəziyyətinin ağır olduğu bildirilir.

Qəzza zolağında İsrail ordusunun həyata keçirdiyi hücumlar nəticəsində son 48 saat ərzində 5 fələstinli həlak olub, 15 nəfər isə yaralanıb. Rəsmi məlumata görə, 2025-ci ilin oktyabr ayında qüvvəyə minmiş atəşkəs razılaşmasından bəri ümumi ölənlərin sayı 850 nəfərə, yaralıların sayı isə 2433 nəfərə çatıb. Bundan əlavə, dağıntılar altından və küçələrdən 770 meyitin çıxarıldığı bildirilib.

“Hizbullah” Cənubi Livanda İsrail mövqelərinə qarşı yeni hücumlar həyata keçirdiyini açıqlayıb. Təşkilat Biyyada və Rəşaf ətrafında İsrail qüvvələri və hərbi texnikasının hədəfə alındığını bildirərkən, İsrail ordusu son hücumlarda üç hərbçinin yaralandığını bəyan edib.

İsrail ordusu Livanın bir sıra yaşayış məntəqələrinin sakinlərinə dərhal evlərini tərk etmələri ilə bağlı göstəriş verib. Çağırış Livanın ən-Namriyə, Teyr Filisiya, Hallusiyə, Yuxarı Hallusiyə, Turə və Maraka bölgələrini əhatə edir. İsrail ordusunun ərəb dilli nümayəndəsi Aviçay Adrai sosial şəbəkə üzərindən yayımladığı müraciətdə sakinlərin gecikmədən təxliyə olunmalı olduğunu bildirib.

İsrail ordusu çərşənbə günü atəşkəs razılaşmasından sonra ilk dəfə Livanın paytaxtı Beyrutu hədəf alıb. İsrail tərəfi zərbənin, Hizbullahın elit “Radvan” bölməsinin komandirlərindən birini hədəf aldığını açıqlayıb. Hücum Beyrutun cənub ətrafında həyata keçirilib. İsrailin Baş naziri Benyamin Netanyahu və müdafiə naziri İsrael Katz birgə bəyanatda əməliyyatı təsdiqləyib. İsrail mediası hədəf alınan şəxsin öldürüldüyünü yazsa da, bu məlumat rəsmi şəkildə təsdiqlənməyib.

Məlumatda qeyd olunur ki, yaralı əsgər təxliyə edilərək xəstəxanaya yerləşdirilib.

Amerika Birləşmiş Ştatları İsrailə bildirib ki, Livan ilə atəşkəs İranla bağlı hər hansı inkişafdan asılı olmayaraq qüvvədə qalacaq. Qeyd olunur ki, İsrail ilə Livanda fəaliyyət göstərən Hizbullah arasında aprelin 17-dən etibarən atəşkəs qüvvədə olsa da, tərəflər arasında gərginlik davam edir. Daha sonra Vaşinqtonda Livan və İsrail səfirləri arasında keçirilən birbaşa danışıqlardan sonra razılaşma uzadılıb.

Türkiyənin Xarici işlər naziri Hakan Fidan ilə Yunanıstanın Xarici işlər naziri Yorgo Gerapetritis arasında telefon danışığı baş tutub. Türkiyə Xarici İşlər Nazirliyindən əldə edilən məlumata görə, nazirlər görüş zamanı İsrail ordusunun "Qlobal Sumud" (Global Sumud Flotilla) yardım gəmilərinə qarşı həyata keçirdiyi hərbi müdaxiləni müzakirə ediblər. Tərəflər bölgədəki son vəziyyət və beynəlxalq hüququn pozulması halları ətrafında fikir mübadiləsi aparıblar.

İsrail ordusunun 17 apreldə qüvvəyə minən atəşkəs razılaşmasına baxmayaraq, Livanın cənubundakı müxtəlif yaşayış məntəqələrinə təşkil etdiyi şiddətli hücumlarda həlak olanların sayı 15-ə çatıb. Livanın rəsmi NNA agentliyinin məlumatına görə, İsrail ordusunun gün ərzində həyata keçirdiyi hava zərbələri nəticəsində ciddi itkilər qeydə alınıb. Livan Səhiyyə Nazirliyi bildirib ki, günortadan əvvəl Cebşit, Tulin və Haruf qəsəbələrinə təşkil edilən hücumlarda 2-si uşaq olmaqla 9 nəfər həyatını itirib, 23 nəfər isə yaralanıb.

İsrail ordusu beynəlxalq sularda “Azadlıq flotiliyası”na daxil olan gəmilərə qarşı əməliyyat keçirib. Bildirilib ki, flotiliyada olan digər 17 gəmi müdaxilədən yayınaraq Yunanıstanın ərazi sularına daxil ola bilib. Qeyd olunur ki, hadisə beynəlxalq hüquq və dəniz təhlükəsizliyi baxımından ciddi müzakirələr doğurub və regionda gərginliyin artdığı bir dövrdə baş verib