BAKI,VOA, Fərid Mikayılov
İsrail ordusu Livanın bir sıra yaşayış məntəqələrinin sakinlərinə dərhal evlərini tərk etmələri ilə bağlı göstəriş verib.
VOA xəbər verir ki, çağırış Livanın ən-Namriyə, Teyr Filisiya, Hallusiyə, Yuxarı Hallusiyə, Turə və Maraka bölgələrini əhatə edir. İsrail ordusunun ərəb dilli nümayəndəsi Aviçay Adrai sosial şəbəkə üzərindən yayımladığı müraciətdə sakinlərin gecikmədən təxliyə olunmalı olduğunu bildirib.
Bildirilib ki, Livanda rəsmi olaraq atəşkəs qüvvədə olsa da, İsrail ordusu ilə Hizbullah arasında qarşıdurmalar davam edir.
Eyni zamanda, qeyd olunur ki, İsrailin sərhəddən uzaq ərazilərdə yaşayan əhaliyə də təxliyə çağırışları etməsi regionda gərginliyin genişlənməsi riskini artırır.