BAKI,VOA, Nailə Babazadə

Amerika Birləşmiş Ştatları ilə İran arasında elan edilən müddətsiz atəşkəsə baxmayaraq Hörmüz boğazında strateji gərginlik yüksək həddə qalmaqda davam edir.

VOA xəbər verir ki, ABŞ Prezidenti Donald Tramp özünə məxsus sosial media platforması vasitəsilə mühüm bəyanat yayaraq Amerika Hərbi Dəniz Qüvvələrinə boğazda dəniz minaları yerləşdirməyə cəhd edən hər hansı qayığın dərhal vurulub məhv edilməsi barədə əmr verdiyini açıqlayıb.

Ağ Ev rəhbəri ABŞ-ın hazırda Hörmüz boğazında aktiv şəkildə mina təmizləmə işləri apardığını bildirib. O qeyd edib ki bu addım beynəlxalq ticarətin təhlükəsizliyini təmin etmək və qlobal enerji marşrutlarını açıq saxlamaq məqsədi daşıyır. Trampın sözlərinə görə bu əməliyyat Yaponiya Cənubi Koreya Fransa və Almaniya kimi tərəfdaş ölkələrə kömək etmək üçün həyata keçirilir.

Eyni zamanda Almaniya hökumətinin də Hörmüz boğazındakı gərginliyə qarşı hərəkətə keçdiyi bildirilir. Almaniya Hərbi Dəniz Qüvvələrinin bölgədə naviqasiya təhlükəsizliyini təmin etmək məqsədilə mümkün mina təmizləmə əməliyyatı üçün hazırlıqlara başladığı qeyd olunur. Rəsmi Berlin bu missiyanın reallaşması üçün hərbi münaqişələrin dayandırılmasını və beynəlxalq hüquqi təminatın vacibliyini əsas şərt kimi irəli sürüb. Mütəxəssislər hesab edirlər ki bölgədəki minaların tamamilə təmizlənməsi prosesi aylarla davam edə bilər.