BAKI, AzerVoice, Nailə Babazadə
G7 ölkələrinin xarici işlər nazirləri, Sudanda Sürətli Dəstək Qüvvələri (RSF) tərəfindən mülki şəxslərə və humanitar yardım işçilərinə qarşı həyata keçirilən hücumları qətiyyətlə pisləyərək, dərhal atəşkəsin təmin olunmasına çağırıb.
AzerVoice xəbər verir ki, Kanada, ABŞ, Fransa, Almaniya, İngiltərə, İtaliya, Yaponiya və Avropa İttifaqı (Aİ) nümayəndələri Kanada, Niagara bölgəsindəki toplantıdan sonra ortaq açıqlama yayıblar.
Açıqlamada vurğulanıb ki, RSF-nin hücumları qətiyyətlə pislənir və bu münaqişənin yaratdığı aclıq dünyanın ən böyük humanitar böhranına çevrilib.
“Sürətli Dəstək Qüvvələri və Sudan Silahlı Qüvvələrini insan haqlarına hörmət etməyə, gərginliyi azaltmağa, dərhal və davamlı atəşkəsə riayət etməyə və humanitar yardımların sürətli və maneəsiz keçidini təmin etməyə çağırırıq.” - deyə bəyanətdə qeyd edilib.
Həmçinin, Qəzzaya humanitar yardımların maneəsiz daxil olmasına icazə verilməsi çağırışı təkrarlanıb və atəşkəs razılaşmasına dəstək ifadə edilib.
Açıqlamada, Çinin hərbi yığınlarının artırılmasından narahatlıq ifadə edilərək, Pekin idarəsinə “şəffaflığı artırmaq” çağırışı olunub.
ABŞ Dövlət Katibi Marko Rubio, Sudan’da hücumlara davam edən RSF-yə xarici silah dəstəyinin dayandırılmalı olduğunu bildirib.
Xatırladaq ki, Sudan 15 aprel 2023-cü ildən bəri ordu ilə xarici dəstəkli RSF arasında şiddətli döyüşlərə səhnə olur. Ölkənin qərbindəki Darfur bölgəsinin ən böyük şəhəri Fəşir, şiddətli döyüşlərdən sonra böyük ölçüdə RSF-nin nəzarətinə keçib.
Minlərlə insan döyüşlərdən qaçıb, RSF isə şəhərdə mülki şəxsləri zorla yerindən köçürüb, çoxsaylı silahsız insanları öldürüb və işgəncə verib. Bu hadisələr RSF üzvlərinin paylaşdığı videolarda əks olunub.