İngiltərə və Uelsdə məhkəmə binalarına “Meta” şirkətinin kamera ilə təchiz edilmiş ağıllı eynəkləri ilə giriş qadağan edilib. İngiltərə və Uelsdə cinayət, mülki və ailə məhkəmələrinə cavabdeh olan Kral Məhkəmələri və Tribunal Xidməti məhkəmə binalarına “Meta” eynəkləri ilə daxil olmaq istəyən şəxslərin eynəklərinin giriş zamanı götürüləcəyini açıqlayıb

"Liverpul" klubu Niderland millisinin hücumçusu Kodi Qakponun yay transfer pəncərəsində satılmayacağını açıqlayıb. 2030-cu ilə qədər müqaviləsi olan niderlandlı futbolçunun satışı klubun planlarına daxil deyil. Məlumata görə, "Tottenhem" transfer üçün təxminən 70 milyon funt sterlinq ödəməyə hazır idi. Lakin "Liverpul" rəhbərliyi maliyyə qazancından daha çox komandanın idman məqsədlərinə üstünlük verir.

İngiltərədə aparılan yeni bir araşdırma, süni intellektə əsaslanan söhbət botlarının bəzi istifadəçilərdə psixozu tətikləyə biləcəyini ortaya çıxarıb. Xüsusilə psixoloji cəhətdən həssas fərdlər üçün bu texnologiyanın reallıqla bağlı algıları pozaraq ciddi zehni sağlamlıq problemlərinə yol aça biləcəyi bildirilir.

Türkiyə Milli Müdafiə Nazirliyi (MSB) avqust ayında Türk pilot heyətinin Eurofighter təlimləri üçün İngiltərəyə göndəriləcəyini açıqlayıb. MSB-nin açıqlamasında qeyd olunur ki, həmçinin Hava Hərbi Məktəbində tələbə Veli Bilginin vəfatı ilə bağlı aparılan inzibati və hüquqi araşdırmalar davam etdirilir. Ölüm səbəbi rəsmi tibbi ekspertiza ilə müəyyən olunacaq. Nazirlik sosial mediada spekulyativ açıqlamalara inanılmamasını xahiş edib.

Dünya Çempionatının ilk yarımfinal qarşılaşması futbol ictimaiyyətinin böyük əksəriyyəti üçün gözlənilməz, lakin tamamilə ədalətli bir ssenari ilə başa çatdı. Turnirin əsas favoriti hesab olunan Fransa millisinin İspaniya tərəfindən 2-0 hesabı ilə tamamilə turnirdən kənarlaşdırılması rəsmi Paris üçün böyük şok oldu. Kilian Mbappe və Lamin Yamalın böyük dueli kimi təqdim olunan bu qarşılaşma, əslində futbolda estafetin yeni nəslə ötürülməsinin bariz sübutuna çevrildi. 22-ci dəqiqədə 19 yaşını yenicə qeyd etmiş Yamalın veteran müdafiəçiyə qarşı ağıllı oyunu İspaniyaya penalti qazandırdı və Mikel Oyarzabal bu şansı boşa verməyərək hesabı açdı. 58-ci dəqiqədə isə Pedro Porro Dani Olmo ilə mükəmməl bir "divar pası" oynayaraq topu alt küncə göndərdi və matçın yekun nəticəsini təyin etdi. Yamalın meydandakı unikal vizyonu və həlledici anlardakı soyuqqanlılığı Mbappenin sürətinə və Fransa taktiki üstünlüyünə mütləq şəkildə qalib gəldi.

Meksika mətbuatı Meksika – İngiltərə oyununda başlama saatının dəyişdiriləcəyini yazıb. Məlumata görə, qarşılaşma fırtına riski səbəbindən yerli vaxtla saat 18:00 əvəzinə 12:00-da keçirilə bilər. Oyun Mexiko şəhərindəki "Asteka" stadionunda baş tutacaq. Rəsmi təsdiq hələ açıqlanmayıb. Bu həftə Meksika – Ekvador oyunu da əlverişsiz hava şəraiti səbəbindən gecikmişdi. Dünya çempionatının pley-off mərhələsində hava şəraiti yenidən gündəmə gəlib.

Dünya futbolundakı transfer xəbərləri üzrə insayder, italiyalı jurnalist Fabrisio Romanonun yaydığı eksklüziv məlumata görə, "kral klubu" portuqaliyalı oyunçu ilə "2+1" illik müqavilə imzalayacaq. Transferin pərdəarxasında "Real Madrid"in yeni baş məşqçisi Joze Mourinyonun böyük rolu olduğu bildirilir. Həmyerlisinin komandada görməkdə israrlı olmasından sonra Madrid rəhbərliyi ulduz futbolçunu layihəyə razı sala bilib. Tərəflərin qısa müddət ərzində rəsmi müqaviləyə imza atacağı gözlənilir.

Mançester Yunaytedin keçmiş baş məşqçisi Ruben Amorim Portuqaliya klubu Benfikada yeni məşqçi təyinatı üçün ön plana çıxıb. Amorim daha əvvəl Sportinq ilə uğurlu nəticələr qazanaraq Portuqaliyada möhkəm nüfuz qazanıb. Mourinyonun Real Madridə keçəcəyi xəbəri klubda yeni kampaniya üçün Amorimin üstün namizəd kimi görülməsinə səbəb olub.

Xosep Qvardiola cari mövsümün sonunda Mançester Sitinin baş məşqçi postunu tərk edəcək.Qeyd edək ki, Qvardiola 2016-cı ildən Mançester Sitinin baş məşqçisidir. Onun rəhbərliyi altında komanda altı dəfə İngiltərə çempionu olub və tarixində ilk dəfə Çempionlar Liqasını qazanıb. Ümumilikdə isə Qvardiola “şəhərlilər” ilə 20 trofey qazanıb.

Arsenal ilə Atletiko Madrid arasında yarımfinal mərhələsinin cavab oyunu İngiltərədə keçiriləcək. Matç London şəhərində yerləşən Emirates stadionunda baş tutacaq və oyunu almaniyalı hakim Daniel Siebert idarə edəcək. Qarşılaşma sabah Bakı vaxtı ilə saat 23:00-da başlayacaq.

1 May tarixi dünya və Azərbaycan tarixində bir sıra əlamətdar hadisələrlə yadda qalıb.

Mançester Yunayted akademiyasının yetirməsi Kobbi Mainu klubla yeni müqavilə imzalayıb. Razılaşmaya əsasən, yarımmüdafiəçi 2031-ci ilin iyun ayına qədər komandada qalacaq. Məlumata görə, 21 yaşlı futbolçu klubda qalmaq qərarı verərək transfer ehtimallarını rədd edib. O, artıq əsas heyətin vacib üzvlərindən biri hesab olunur və son mövsümlərdə sabit çıxışı ilə diqqət çəkib.