BAKI,VOA,Yusif Şərifzadə
Avstraliya, Kanada, Danimarka, Estoniya, Finlandiya, Fransa, İslandiya, Latviya, Litva, Norveç və İsveç xarici işlər nazirləri, eləcə də Avropa İttifaqının xarici siyasət rəhbəri Kaya Kallas Livanda gərginliyin artmasına dair “dərin narahatlıq” ifadə ediblər. Onlar həmçinin atəşkəs razılaşmasının icrası istiqamətində davam edən səyləri alqışlayıblar.
VOA xəbər verir ki, birgə bəyanatda rəsmi şəxslər Livanın öz səlahiyyətlərini genişləndirmək səylərini dəstəklədiklərini bildiriblər. Onlar Hizbullahdan hücumlarını dayandırmağı, İsraildən isə “Livanın suverenliyinə və ərazi bütövlüyünə hörmət göstərməsini və hərbi gərginliyi dayandırmasını” tələb ediblər.
Bəyanatda həmçinin qeyd olunub: “Bütün tərəfləri maksimum təmkin göstərməyə, atəşkəsə tam riayət etməyə, əlavə gərginlik yarada biləcək hərəkətlərdən çəkinməyə və mülki vətəndaşların qorunmasını təmin etməyə çağırırıq.”