BAKI,VOA, Fərid Mikayılov
Pakistanın Baş naziri Şahbaz Şərif İran Prezidenti Məsud Pezeşkian ilə telefon danışığı apardığını açıqlayıb.
VOA xəbər verir ki, Şərif İran rəhbərliyinin İslamabadda keçiriləcək sülh danışıqlarına razılıq verməsini yüksək qiymətləndirib və bunu regionda sabitliyin bərpası üçün mühüm addım kimi dəyərləndirib.
Bildirilib ki, Pezeşkian qarşıdakı danışıqlarda İranın iştirakını bir daha təsdiqləyərək, Pakistanın vasitəçilik səylərinə görə təşəkkürünü ifadə edib.
Qeyd olunub ki, tərəflər regionda sülhün bərpası və gərginliyin azaldılması üçün birgə səylərin davam etdirilməsinin vacibliyini vurğulayıblar.
İslamabadda planlaşdırılan görüşlərin Yaxın Şərqdə artan gərginlik fonunda diplomatik həll yollarının tapılması baxımından mühüm əhəmiyyət daşıdığı bildirilir.