BAKI, AzerVoice
Almaniya Ukraynaya üç ədəd "Patriot" hava hücumundan müdafiə (HHM) sistemi təhvil verib və əlavə sistemlərin tədarükü və əvəzləyici texnikanın əldə olunması ilə bağlı ABŞ-la danışıqlar aparır.
AzerVoice xəbər verir ki, bu barədə "The Washington Post" qəzeti rəsmi mənbələrə istinadən məlumat yayıb.
“Berlin artıq Ukraynaya üç Patriot sistemi verib və Vaşinqtonla əlavə sistemlərin tədarükü və əvəzlənməsi barədə danışıqlar aparır” - deyə, məlumatda qeyd olunub.
Həmçinin bildirilib ki, digər tədarüklər arasında radar sistemləri, radioelektron mübarizə vasitələri, pilotsuz uçuş aparatlarına qarşı texnologiyalar və artilleriya sistemləri də ola bilər.
Qeyd edək ki, ABŞ Prezidenti Donald Tramp 14 iyul tarixində Avropanın bu tədarükləri maliyyələşdirəcəyi təqdirdə, Vaşinqtonun Kiyevə silah və hərbi texnika göndərməyə davam edəcəyini bəyan etmişdi.
Nəşr yazır ki, bir "Patriot" batareyasının dəyəri 1 milyard dolları keçə bilər, hər bir raketin qiyməti isə təxminən 4 milyon dollardır.