BAKI, AzerVoice

Türkiyə Xarici İşlər naziri Hakan Fidan, NATO Xarici İşlər Nazirləri Qeyri-rəsmi Görüşü çərçivəsində ABŞ Dövlət katibi Marko Rubio ilə görüş keçirib.

AzerVoice xəbər verir ki, bu barədə diplomatik mənbələr məlumat verib.

Məlumata görə, görüşdə dövlət başçıları səviyyəsində planlaşdırılan qarşılıqlı səfərlər üçün aparılan hazırlıqlar müzakirə olunub. Həmçinin, son dövrlərdə Türkiyə və ABŞ arasında intensivləşən diplomatik əlaqələrin əhəmiyyətinə toxunulub.

Görüşdə Rusiyа ilə Ukrayna arasındakı münaqişənin dialoq yolu ilə həll edilməsinin zəruriliyi vurğulanıb. Sülhə nail olunması üçün tərəflərin birbaşa danışıqlara cəlb edilməsi məqsədilə səylərin davam etdiriləcəyi bildirilib. Bu kontekstdə Türkiyə və ABŞ-ın koordinasiyalı diplomatik təşəbbüslərinin əhəmiyyətinə diqqət çəkilib.

Fidan, Qəzza zolağında mövcud olan humanitar vəziyyətin yaxşılaşdırılmasının vacibliyini qeyd edib və bu istiqamətdə birgə səylərə ehtiyac olduğunu vurğulayıb.

Görüşdə həmçinin ABŞ və İran arasında aparılan nüvə proqramı ilə bağlı danışıqlar da gündəmə gətirilib. Suriya ilə bağlı regional vəziyyətə dair fikir mübadiləsi aparılıb.

Bundan əlavə, görüşdə Cənubi Asiyadakı gərginliyin azaldılması və sabitliyin təmin olunmasının vacibliyinə də toxunulub. ABŞ Prezidenti Donald Trampın Səudiyyə Ərəbistanı, Qətər və BƏƏ-yə etdiyi səfərlər də müzakirə mövzusu olub.