BAKI,VOA,Vüsalə Əzimzadə

Qətər və Birləşmiş Ərəb Əmirliklərindən (BƏƏ) ən azı üç mayeləşdirilmiş təbii qaz (LNG) yükü Hörmüz boğazından kənarda gəmilər arasında ötürülüb.

VOAməlumat verir ki, yüklərin ötürülməsi Oman və BƏƏ sahilləri yaxınlığında beynəlxalq sularda həyata keçirilib. Bu üsul LNG daşımalarında nadir hallarda tətbiq olunur və əsas məqsəd yüklərin Hindistan və Yaponiya da daxil olmaqla təyinat məntəqələrinə çatdırılmasını təmin etməkdir.

“GasLog Shanghai” və “GasLog Savannah” LNG tankerləri belə əməliyyatlardan birində iştirak edib. Digər əməliyyatda isə daha əvvəl mərmi ilə vurulan Qətərin “Al Rekayyat” tankeri yükünü “Tembek” tankerinə ötürüb və həmin gəmi LNG-ni Hindistana çatdırıb.

BƏƏ-nin ADNOC şirkətinə məxsus “Mraweh” tankeri ilə “LNG Enugu” arasında da analoji əməliyyat həyata keçirilib. Bu yük hazırda Yaponiyaya doğru hərəkət edir.

“Reuters” qeyd edir ki, regionda davam edən ABŞ-İsrail münaqişəsi fonunda Hörmüz boğazında gəmiçiliklə bağlı risklərin artması enerji ixracına ciddi təsir göstərib. Asiyada spot LNG qiymətləri münaqişədən əvvəlki səviyyə ilə müqayisədə iki dəfədən çox artaraq milyon Britaniya istilik vahidi (mmBtu) üçün 23,20 dollara çatıb.