BAKI,VOA,Yusif Şərifzadə
ABŞ Mərkəzi Komandanlığı Amerika hərbi qüvvələrinin İran ərazisindəki hədəflərə zərbələr endirməyə başladığını açıqlayıb. Komandanlığın məlumatına görə, yeni hücum mərhələsi ABŞ-nin şərq vaxtı ilə saat 12:00-da başlayıb.
VOA xəbər verir ki, ABŞ Mərkəzi Komandanlığı hərbi əməliyyatların başlandığını təsdiqləsə də, ilkin açıqlamada hansı ərazilərin və obyektlərin hədəfə alındığı barədə ətraflı məlumat verməyib.
Açıqlamaya əsasən, zərbələr Qrinviç vaxtı ilə saat 16:00-da başlayıb. Hücumların miqyası, istifadə olunan hərbi vasitələr və mümkün itkilərlə bağlı hələlik məlumat açıqlanmayıb.
ABŞ Mərkəzi Komandanlığının açıqlaması Vaşinqtonla Tehran arasında hərbi və siyasi gərginliyin kəskinləşdiyi bir vaxtda verilib.
İrana qarşı yeni hücumların gedişi və nəticələri ilə bağlı əlavə məlumatların açıqlanacağı gözlənilir.